Аз 2 то 9-уми апрел дар Тоҷикистон Фестивали ҷумҳуриявии “Ҳафтаи китоби кӯдакону наврасон” баргузор мегардад. Имрӯз дар Китобхонаи давлатии бачагонаи ба номи Мирсаид Миршакари шаҳри Душанбе маросими ифтитоҳи ин фестивал доир гардид.

Давоми ҳафта дар доираи фестивали мазкур дар шаҳру навоҳии мамлакат як қатор чорабиниҳо, аз ҷумла намоиш ва фурӯши китобҳои бачагона, китобҳои тозанашр ва ташкили чорабиниҳо бо иштироки адибон ба нақша гирифта шудаанд. Маълум кардем, ки давоми ҳафта дар Душанбеву Суғду Хатлон кадом чорабиниҳо баргузор мешаванд.

 

Дар Душанбе ва шаҳру навоҳии тобеи ҷумҳурӣ:

- Рӯзи 3-юми апрел. Соати 10:00 дар мактаби №16-и ноҳияи Шоҳмансур, хонаи фарҳанги ноҳияи Шаҳринав ва соати 14:00 дар Китобхонаи марказии шаҳри Турсунзода бахшида ба ҳафтаи китоб чорабиниҳо баргузор мегарданд.

- Рӯзи 4-уми апрел. Соати 10:00 дар мактаби №26-и ноҳияи Исмоили Сомонӣ, шуъбаи фарҳанги ноҳияи Файзобод ва соати 14:00 дар Қасри фарҳанги шаҳри Роғун чорабиниҳо доир мешавад.

- Рӯзи 5-уми апрел. Соати 10:00 дар китобхонаи №6-и деҳаи Зимчурӯди Варзобва дар мактаби №14-и ноҳияи Фирдавсӣ бахшида ба ҳафтаи китоб чорабиниҳо мегузарад.

1/4

- Рӯзи 7-уми апрел. Соати 10:00 дар Мактаб-интернати №1-и ноҳияи Фирдавсӣ ва Китобхонаи марказии шаҳри Ҳисор  бахшида ба ҳафтаи китоб чорабиниҳо доир мегардад.

- Рӯзӣ 8-уми апрел. Соати 10:00 дар китобхона-филиали №23-и ҷамоати шаҳраки Мирзо Турсунзодаи шаҳри Турсунзода ва дар Китобхонаи марказии шаҳри Ваҳдат бахшида ба ҳафтаи китоб чорабиниҳо баргузор мегардад.

 

Дар вилояти Суғд:

- Рӯзи 3-юми апрел, соати 10:00 дар Китобхонаи шӯъбаи бачагонаи ноҳияи Шаҳристон маҳфили “Камолхонӣ” таҳти унвони “Бунёдгузори кохи назми сухан” баргузор мешавад.

- Рӯзи 4-уми апрел, соати 10:00 дар Китобхонаи шӯъбаи бачагонаи шаҳри Истаравшан маҳфили адабӣ-бадеӣ таҳти унвони “Тасвиргари дунёи кӯдакон” бахшида ба 65-солагии Азизи Азиз, нависандаи кӯдакон доир мешавад.

- Рӯзи 5-уми апрел, соати 10:00 дар Китобхонаи шӯъбаи бачагонаи ноҳияи Зафаробод  маҳфили “Ҳофизхонӣ” таҳти унвони “Ғазал гуфтию дур суфтӣ, биёву хуш бихон Ҳофиз” мегузарад.

- Рӯзи 7-уми апрел, соати 10:00 дар Китобхонаи шӯъбаи бачагонаи шаҳри Гулистон маҳфили адабӣ-бадеӣ таҳти унвони “Сказочник детского королевство” бахшида ба 220-солагии Х.К.Андерсон баргузор мешавад.

- Рӯзи 8-уми апрел, соати 10:00 дар Китобхонаи шӯъбаи бачагонаи шаҳри Исфара маҳфили адабӣ-бадеӣ таҳти унвони “Латофати пурлатофат” бахшида ба 75-солагии Латофат Кенҷаева, шоир ва нависандаи бачагон доир мешавад.

- Рӯзи 9 апрел, соати 10:00 дар Китобхонаи вилоятии бачагонаи  ба номи Аминҷон Шукӯҳӣ дар шаҳри Хуҷанд ҷамъбасти фестивали “Ҳафтаи китоби кӯдакон ва наврасон” таҳти унвони “Ҳаёти ҷовидонӣ аз қалам эҷод мегардад” мегузарад.

1/5

Дар вилояти Хатлон низ имрӯз Фестивали “Ҳафтаи китоби наврасону кӯдакон” бо иштироки адибони тоҷик бошукӯҳ ифтитоҳ гардид ва гуфта мешавад, ки баргузории як қатор чорабиниҳо дар назар аст. Аммо маълум нест, ки кай дар куҷо чӣ чорабиниҳо доир мегарданд.

Дар ВМКБ ҳам ҳафтаи китоби кӯдакон таҷлил мешавад, вале барномаи баргузории чорабиниҳо барои мо дастрас нашуд.

Ҷамъбасти Фестивал рӯзи 16-уми апрел соати 10:00 дар Китобхонаи давлатии бачагонаи ба номи Мирсаид Миршакар бо намоиши барномаи фарҳангӣ, намоиши китобҳо таҳти унвони “Аниси кунҷи танҳоӣ китоб аст!”  ва супоридани тӯҳфаҳо ба иштирокчиёни фаъоли Фестивал баргузор мегардад. Дар он ҳамчунин порчаҳо аз намоишномаҳои Театри давлатии ҷумҳуриявии “Лӯхтак” ва Сирки давлатии Тоҷикистон намоиш дода мешавад.

Дар Telegram, Facebook ва Instagram бо мо бимонед.