Шоҳроҳи Ваҳдат-Рашт, ки дар натиҷаи фурӯ рехтани куҳпора 2 рӯз боз баста буд, зуҳри имрӯз, 23-юми декабр боз шуда, ҳаракати мошинҳо ба ин масир барқарор шудааст. Дар ин бора аз қисми навбатдории Кумитаи ҳолатҳои фавқулодда (КҲФ) ба “Азия-Плюс” хабар дорданд.
Қаблан, КҲФ иттилоъ дода буд, ки дар натиҷаи канда шудани кӯҳпора дар километри 76,6 шоҳроҳи Ваҳдат-Рашт роҳ муваққатан баста шуда, “ҳаракати воситаҳои нақлиёт тавассути роҳи навсохташуда ба роҳ монда шудааст”.
Ба иттилои ин ниҳод ҳодиса рӯзи 20-уми декабр рух дода, баландии кӯҳпора 10 метр ва паҳнои он 100-120 метр мебошад.
КҲФ гуфта буд, ки дар мавзеи ҳодиса 2 техникаи Вазорати нақлиёт кор карда истодаанд.
“Тарқиши кӯҳ дар баландии 150 метр аз қисмати шимолии мавзеи мазкур низ ба амал омадааст, ки дар оянда ба поён лағжиданаш аз эҳтимол дур нест”, -ҳушдор додааст КҲФ.
Қаблан Кумитаи ҳолатҳои фавқулода хабар дода буд, ки аз 20 то 22-юми декабр дар минтақаҳои кӯҳии вилояти Суғд, аз ҷумла, километрҳои 46-ум ва 84-уми роҳи мошингарди Душанбе–Чаноқ ва ноҳияҳои ғарбии Вилояти Мухтори Кӯҳистони бадахшон хатари фаромадани тарма ва яхбандӣ вуҷуд дорад.
Ин ниҳод ба шаҳрвандон тавсия дод, ки дар ин рӯзҳо аз сафар ба минтақаҳои хатарнок худдорӣ кунанд. Ҳамчунин, аз ронандагон дархост шудааст, ки дар минтақаҳои кӯҳӣ ва қитъаҳои роҳҳое, ки хатар фаромадани тарма он ҷо вуҷуд дорад, фосилаи ҳаракатро риоя кунанд.
Аҳмади Иброҳим, сардабири “Пайк” 10 сол равонаи зиндон шуд
Мубориза бо тағйирёбии иқлим. Ҷаҳон то 300 млрд доллар дар як сол ҷудо мекунад, ба Тоҷикистон чанд пул лозим аст?
Вазорати корҳои дохилии Русия гуфт, шумораи ҷиноятҳои аз ҷониби муҳоҷирон содиршуда кам шудааст
“Метро созанд, баъд зан мегирам...”. Вокуниши сокинон ба хабари сохтмони метро дар Душанбе
Афзоиши маблағи ҷарима барои қоидавайронкунии роҳу нақлиёт. Барои кадом қонуншиканӣ чӣ қадар зиёд шуд?
Ҳалокати 4 кас ва тақрибан 10 млн сомонӣ зарар. Хисороти сӯхторҳо дар Суғд дар соли гузашта
Таъмини аҳолӣ бо манзил. Дар Тоҷикистон норасоӣ мушоҳида мешавад
Таҳсили ройгон дар донишгоҳҳои Русия. Чӣ тавр метавон ҳуҷҷат супорид?
“Дар умрам ба касе пора надодаам”. Номаи Аҳмади Иброҳим аз боздоштгоҳ ба унвонии Рустами Эмомалӣ
Хадамоти назорати санитарӣ кори зиёда аз 650 иншоотро муваққатан боздошт
Кулли ахбор
Авторизуйтесь, пожалуйста