Директори Агентии назорати давлатии молиявӣ ва мубориза бо коррупсияи Тоҷикистон Сулаймон Султонзода мақомот ва шаҳрҳои аз ҳама бештар ба коррупсия дастдоштаро номбар кард.
Дар нишасти матбуотии имрӯз, 17 феврал ӯ хабар дод, ки соли гузашта дар ҷараёни санҷишҳои Агентӣ 2 ҳазору 155 ҷиноятҳои коррупсионӣ ва иқтисодӣ ошкор шудаанд, ки 918-тоашон ҷиноятҳои вазнин мебошанд.
“Маблағи умумии зиёни ошкоршуда 247 млн сомониро ташкил дода, ҳамаи он ба нафъи давлат барқарор карда шуд”, - иброз дошт Султонзода.
Ба гуфтаи ӯ, қонуншиканиҳои аз ҳама назаррас дар сохторҳои Вазорати маориф ва илм (беш аз 30 млн сомонӣ), ТАЛКО (“Ширкати алюминии тоҷик”, 28 млн сомонӣ), Агентии захираҳои давлатии моддӣ (зиёда аз 15 млн сомонӣ) ошкор шудааст.
Ҳамчунин миёни мақомту муассиса ва ташкилотҳо қонуншиканиҳои нисбатан зиёди коррупсионӣ дар фурудгоҳи Кӯлоб, ширкати “Барқи тоҷик”, Вазорати тандурустӣ ва ҳифзи иҷтимоии аҳолӣ, “Амонатбонк” ва ғайра ошкор шудааст.
Султонзода зикр кард, ки дар натиҷаи санҷиши 19 лоиҳаи сармоягузорӣ ба мабағи 8,6 млн сомонӣ зарар ошкор ва барқарор карда шуд.
Аз ин миқдор 3,5 млн сомонӣ ба Маркази идораи лоиҳаи рушди зерсохтори маъмурӣ (коммуналӣ)-и Хоҷагии манзилию коммуналӣ,
Ва боз 1,6 млн сомонӣ - ба Муассисаи давлатии “Маркази идораи лоиҳаҳои соҳаи электроэнергетика” рост меояд.
“Дар ҷараёни санҷишҳои иҷрои буҷетҳои маҳаллӣ дар ҳаҷми 62,4 млн сомони зиён ошкор шуда, 60,4 млн сомонии он барқарор шуд”, - гуфт Султонзода.
Ба сегонаи фасодзадатарин шаҳру навоҳӣ инҳо дохил шуданд:
Ҳисор (зарар - 5,8 млн сомонӣ
Хуҷанд (5,7 млн сомонӣ)
Ёвон (4,5 млн сомонӣ)
Дар идома Зафаробод (4,2 млн), Конибодом (3,5 млн) ва ноҳияи Рӯдакӣ (3,4 млн) қарор доранд.
“Сарфи назар аз мавҷуд будани хидматрасониҳои электронӣ ва ғайринақдӣ, то ҳол шахсони масъул дар соҳаҳои буҷетӣ бо истифода аз беназоратии роҳбарон пешниҳоди хидматрасониҳоро дар маҳалҳо бо пули нақд афзалтар дониста, ба ин васила, маблағҳои давлатиро азхуд мекунанд”, - зикр кард Султонзода.
Иброҳим Раисӣ ва ҳамроҳонаш ба ҳалокат расидаанд. Ноиби раиси ҷумҳури Эрон ин хабарро расман тасдиқ кард
Чархболи суқуткардаи Иброҳим Раисӣ пайдо шуд, аммо тақдири ӯ ва ҳамроҳонаш норӯшан аст
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Кулли ахбор
Авторизуйтесь, пожалуйста