Раҳматулло Наврӯзов, муттаҳам дар ҳамлаи мусаллаҳона ба зиёратгоҳи Шоҳчароғи шаҳри Шероз, ки аз ӯ мақомоти Эрон чун шаҳрванди Тоҷикистон ёдовар мешаванд, ба ҳукми қатл маҳкум шудааст.
Дар ин бора хабаргузории “Мизон”, марбут ба Додгоҳи Эрон хабар медиҳад.
Ин расона аз қавли Козим Мусавӣ, масъули Додситонии вилояти Форс навиштааст, ки Раҳматулло Наврӯзов бо лақаби “Мустафо Исломёр” ба ҳамлаи мусаллаҳона ба зиёратгоҳи Шоҳчароғи шаҳри Шероз гунаҳкор ва “ба ду бор эъдом маҳкум гардид”.
Ин нафар гуфтааст, муттаҳам “ба узвият ва ҳамкорӣ бо гуруҳи ДОИШ иқрор шудааст”.
Ҳамчунин, ба навиштаи ин расона, чанд нафари дигар дар робита ба ин ҳодиса ба панҷ соли ҳабс маҳкум шуданд. Онҳо шахсоне будаанд, ки ба қавли Козим Мусавӣ “аз нияти омили аслии ҳамла хабар надоштанд”.
Мақомоти Тоҷикистон ва пайвандони муттаҳам то ҳол дар ин бора шарҳе надодаанд.
Ҳафтаи гузашта хабаргузории “Меҳр” навишт, ки дар мурофиаи аввал худи Раҳматулло Наврӯзов бозпурсӣ шудааст ва ӯ гуфтааст, ки тавассути шабакаҳои иҷтимоӣ ба ДИИШ пайвастааст. Вай аз Туркия ба таври ғайриқонунӣ вориди Эрон шуда, сипас ба Покистон ва аз онҷо ба Афғонистон рафтааст. Дар ин кишвар дар як урдугоҳи ҷангҷӯён тамрини низомӣ кардааст.
“Пас аз хатми тамриноти низомӣ ӯро ба Эрон фиристоданд ва муддате дар хонае дар паҳлӯи масҷиди Шоҳчароғ зиндагӣ кардааст. Мубаллиғони ДОИШ ба ӯ дастур додаанд, ки масҷидро оташ зада, намозгузоронро парронанд. Ӯ бо бензин ба масҷид омадааст, вале пеш аз оташ задани қолинҳо боздошт шудааст”, - навиштааст хабаргузории “Меҳр”.
Он замон расонаҳои эронӣ навишта буданд, ки ҳамлагар пас аз он ки 11 тир холӣ кард, боздошт шудааст. Дар натиҷа ду нафар кушта ва ҳафт нафари дигар захмӣ шуданд.
Ба навиштаи ин расонаи эронӣ, Наврӯзов гуфтааст, ки “ман гумон надоштам, ки маро дастгир мекунанд, гумон доштам, ки маро мекушанд. Ман теъдоди одамонеро, ки ба ҳадаф гирифта будам, ҳисоб накардам, ниятам то анҷоми тирдон идома додани амалиёт буд...”.
Бояд гуфт, ки ДИИШ масъулияти ҳамла дар Шерозро бар ӯҳда гирифт ва онро интиқом барои эъдоми ду ҷангҷӯи худ, ки барои ҳамлаи қаблӣ ба оромгоҳи Шоҳчароғ дар 26-уми октябри соли 2022 ба эъдом маҳкум шуда буданд, номид. Дар ҳамлаи аввал 13 нафар кушта ва 27 тани дигар захмӣ шуданд. Ду нафаре, ки дар ин ҳамла даст доштанд, як моҳ пеш эъдом шуда буданд.
Баъдан хабар расид, ки фарде, ки оташ кушодааст, зодаи Тоҷикистон Комрони Субҳон бо лақаби “Абу Оиша” будааст. Ӯ 23-сола буд. Пас аз чанд рӯзи боздошт Комрони Субҳон бар асари захмҳои бардоштааш дар бемористони Шероз даргузашт.
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Рустами Эмомалӣ дар робита ба ҳалокати Саидиброҳим Раисӣ ба ҳамтои эронии худ барқияи таслият ирсол кард
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Эмомалӣ Раҳмон дар робита ба ҳалокати Саидиброҳим Раисӣ ва ҳайати ҳамроҳаш изҳори ҳамдардӣ кард
Тайи 10 сол Чин ба иқтисоди Тоҷикистон 3,8 млрд доллар сармоягузорӣ кард
Хисороти боришоти шадиди рӯзҳои ахир дар кишвар
Тотористон ронандагон ва муҳандисони тоҷикро ба кор ҷалб кардан мехоҳад
Хадамоти алоқа: ширкатҳои мобилӣ дар се моҳ беш аз 1 млрд сомонӣ даромад ба даст овардаанд
Кулли ахбор
Авторизуйтесь, пожалуйста