Дар пайи таркиш дар калисои католикӣ дар шаҳри Истанбули Туркия ва аз гумонбари он ба ҳайси шаҳрванди Тоҷикистон зикр шудан, Ашрафҷон Гулов, сафири Тоҷикистон дар Туркия аз вазири корҳои дохилии ин кишвар дархости мулоқот кардааст.
Шоҳин Самадӣ, сухангӯи Вазорати корҳои хориҷии Тоҷикистон ба “Азия-Плюс” гуфт, ки Ашрафҷон Гулов, сафири Тоҷикистон дар Анқара барои рӯшани андохтан ба қазияи боздошти гумонбари тирпарронӣ дар калисои католикии Истанбул, ки аз ӯ шаҳрванди Тоҷикистон ном бурда мешавад, аз вазири корҳои дохилии Туркия Алӣ Йерликая расман дархости мулоқот кардааст.
Ба қавли манбаъ, сафири Тоҷикистон дар Туркия бо кормандони вазорати корҳои хориҷаи ин кишвар гуфтугӯҳои телефонӣ анҷом додааст, аммо посухи қонеъкунанда нагирифтааст.
“Дар робита ба ин, шӯъбаи дипломатии мо барои рӯшан кардани вазъ ва далели ширкати шаҳрванди мо дар ин ҳодиса мулоқоти сафирро бо вазири корҳои дохилии Туркия дархост кардааст. Аз ин лиҳоз, аз боздоштшудагон шаҳрванди Тоҷикистон ном бурдан бармаҳал аст”, - таъкид карданд дар ВКХ.
Ҳамчунин, сухангӯи ВКХ зикр намуд, ки Сафорати Тоҷикистон дар Анкара ва консулгарӣ дар Истанбул ҳамарӯза маълумоти дақиқи шаҳрванди боздоштшудаи эҳтимолии Тоҷикистонро дархост мекунанд. Аз ҷумла, ин суол рӯшан мешавад, ки оё дар байни афроди дигари боздоштшуда шаҳрвандони Тоҷикистонро ҳастанд ё на?
Ёдовар мешавем, ки субҳи рӯзи якшанбе, 28-уми январ, дар яке аз калисоҳои католикӣ дар Истанбул ду марди мусаллаҳ аз силоҳ оташ кушода, як нафарро куштанд. Би-би-сӣ хабар дод, ки мақомоти Туркия дар ин ҳамла шаҳрвандони Русия ва Тоҷикистонро, ки ба гурӯҳи “Давлати исломӣ”* иртибот доранд, гумонбар донистаанд.
Тирпарронӣ тақрибан соати 11:40 ба вақти маҳаллӣ дар калисои муқаддаси Марям дар ноҳияи Сариёри Истанбул оғоз шуд.
Дар робита ба ин ҳодиса, айни ҳол даҳҳо нафар, аз ҷумла шаҳрвандони хориҷӣ боздошт шудаанд.
“Шӯҳрат намехоҳам, талош дорам таърихро таҳқиқ кунам ва таълим диҳам”. Камолуддин Абдуллоев 75 сол шуд
“Шкаф” - “тумбочка” ва “короче” - “просто”. Калимаҳои маъмули русӣ ба тоҷикӣ чӣ гуна тарҷума мешаванд?
“Афсӯс, ки дастгир шуданд”. Шаҳрванди Қирғизистон барои шарҳе зери навори боздошти гумонбарони ҳамла ба “Крокус” 3 сол равонаи зиндон шуд
Парвандаи кормандони “Агроинвестбонк” баъди 3 сол дубора тафтиш шудааст
Боздошти як зани 44-сола бо гумони куштори тифли 11-моҳа дар Хуҷанд
Мусодираи қариб 6,5 ҳазор қуттӣ тамоку, ки бо роҳи қочоқ вориди кишвар шуда буд
Ба президент мутобиқсозии растаниҳои нодирро ба шароити Тоҷикистон нишон доданд
Раёсати Оҷонсии зиддифасод: Муовини раиси Исфара барои фурӯши замин ҷарима шуд, вале то ҳол дар мансаб аст
Мунтахаби ҷудои Тоҷикистон ба мусобиқаи Тоскулоҳи бузург ба Тошканд меравад
“Аудиокитоб” бо Субҳон Ҷалилов. Маснавии маънавӣ. Ҳикояи “Силии нақд аз атои нася беҳ”
Кулли ахбор
Авторизуйтесь, пожалуйста