Президенти Тоҷикистон Эмомалӣ Раҳмон субҳи имрӯз ба Қирғизистон рафт. Дар ин ҷо сарвари давлати Тоҷикистон дар нишаст (саммит)-и “Иттиҳоди Аврупо - Осиёи Марказӣ” иштирок мекунад.
Тавре ки хадамоти матбуоти сарвари давлат хабар медиҳад, дар ин сафар ӯро вазирони корҳои хориҷӣ, рушди иқтисод ва савдо, ёври президент оид ба масоили иқтисодӣ ва дигар шахсони расмӣ ҳамроҳӣ мекунанд.
Барои иштирок дар кори нишаст сарони кишварҳои Ӯзбекистону Қазоқистон ва муовини раиси девони вазирони Туркманистон низ имрӯз ба шаҳри Чолпон-Ота меоянд.
Ҷониби Иттиҳоди Аврупоро дар ин вохӯрӣ президенти Шӯрои Аврупо Шарл Мишел намояндагӣ мекунад.
Дар ҳошияи кори нишаст вохӯрии дуҷонибаи Эмомалӣ Раҳмон бо президенти Қирғизистон Садир Жапаров ба нақша гирифта шудааст.
Гуфта мешавад, дар нишаст вазъи кунунӣ ва дурнамои ҳамкориҳои тиҷоративу иқтисодӣ ва фарҳангиву гуманитарӣ байни минтақаҳо баррасӣ шуда, оид ба масоили муҳиму рӯзмарраи байнулмилалӣ ва ҳамкориҳои мутақобилаи кишварҳои Осиёи Марказӣ ва Иттиҳоди Аврупо табодули назар сурат мегирад.
Қобили зикр аст, ки аввалин вохӯрии сарони кишварҳои Осиёи Марказӣ ва раиси Шӯрои Аврупо Шарл Мишел 27 октябри соли 2022 дар шаҳри Остона баргузор шуда буд.
Додгоҳе дар Маскав як зодаи Тоҷикистонро барои саркашӣ аз сафарбаркунӣ 5 сол шартан аз озодӣ маҳрум кард
“Бо табар куштааст”. Боздошти як нафар бо гумони қатли ҳамсар дар Душанбе
Муттаҳам ба ҳамлаи зиёратгоҳи Шаҳчароғи Эрон ба ҳукми қатл маҳкум гардидааст
Донишгоҳи давлатии Хуҷандро қасдан оташ задаанд. Мақомот як гумонбарро боздошт кардааст
Моҷаро дар Кишинёв: Олимони тоҷик ва Осиёи Марказиро ба Молдова роҳ надоданд
Кумита оид ба таҳсилоти ибтидоӣ ва миёнаи касбӣ. Дар Тоҷикистон боз як ниҳоди давлатӣ таъсис меёбад
Мусобиқаи байналмилалӣ барои дарёфти Ҷоми Президенти Тоҷикистон дар Данғара баргузор мешавад
Узвияти Тоҷикистон дар Иттиҳоди иқтисодии АвруОсиё. Оё ҷонибҳо воқеан манфиатдор нестанд?
“Оташзании Қуръонро маҳкум мекунем”. Эмомалӣ Раҳмон дар СММ боз дар бораи чӣ гуфт?
Интиқоли устувори пули муҳоҷирон. Пешгӯии беҳтари рушди иқтисодӣ барои Тоҷикистон
Кулли ахбор
Авторизуйтесь, пожалуйста