Рӯзҳои 4-6 июли соли 2024 бо даъвати президенти Тоҷикистон Эмомалӣ Раҳмон Раиси Ҷумҳурии мардумии Чин Си Ҷинпин бо сафари давлатӣ ба Тоҷикистон ташриф меорад.
Тавре ки Вазорати корҳои хориҷии ҷумҳурӣ хабар медиҳад, дар доираи сафар мулоқоти дуҷониба дар шакли маҳдуд ва васеъ баргузор хоҳад шуд.
Гуфта мешавад, ҳамчунин раиси Ҷумҳурии мардумии Чин дар дигар чорабиниҳои расмӣ иштирок хоҳад кард.
Аз ҷумла, иштироки Си Ҷинпин дар маросими мавриди истифода қарор гирифтани биноҳои нави ҳукумат ва парлумони Тоҷикистон дар назар аст. Айни замон корҳои ободонии гирду атрофи ин биноҳо дар арафаи анҷомёбӣ аст.
Ба иттилои ВКХ Чин, пеш аз ин Си Ҷинпин аз Қазоқистон боздид намуда, дар нишасти Созмони ҳамкории Шанхай (СҲШ) дар ин кишвар иштирок мекунад. Дар нишасти Созмон баррасии масоили марбут ба иқтисод ва энергетика пешбинӣ шудааст.
Ёдрас мекунем, ки доир ба созишнома дар бораи ҷудо кардани кумаки бебозгашт барои сохтмони бинои ҳукумат ва маҷмааи парлумон дар Душанбе зимни сафари давлатии президенти Тоҷикистон Эмомалӣ Раҳмон ба Пекин дар моҳи сентябри соли 2017 тавофуқ ҳосил шуда буд.
Бинокорони Чин соли 2020 бевосита ба сохтмони ин биноҳо оғоз карданд. Он замон бо ин мақсад 1,5 млрд юан (ҳудуди 220 млн доллар) кумаки бебозгашт ҷудо шуд.
Бинои парлумон дар шафати хиёбони Рӯдакӣ ҷойгир аст. Баландии бинои асосӣ 49,7 метр, бо назардошти гунбаз - 70 метрро ташкил медиҳад. Масоҳати умумии бинои парлумон 42 ҳазору 874 метри мураббаъ мебошад.
Бинои ҳукумати Тоҷикистон дар қисми марказии шаҳри Душанбе, дар ҳудуди хиёбонҳои Рӯдакӣ ва Исмоили Сомонӣ ҷойгир аст. Масоҳати қитъаи замини маҷмааи ҳукумати Тоҷикистон 10,27 гектарро ташкил дода, дар он бинои 15 ошёнаи ҳукумат, ду бинои 13 ошёнагии идораҳои назди ҳукумат, гулгашт бо роҳу пайроҳаҳо бунёд гардидаанд.
“Ӯ бояд дар иҷлосия иштирок мекард”. Вакили парлумонро кай ва чӣ гуна метавон боздошт кард?
Сарвазири Покистон ба Тоҷикистон омад ва дар пояи муҷассамаи Исмоили Сомонӣ гулчанбар гузошт
Ғалабаи мақомсарои тоҷик дар озмуни ҷаҳонии “Мақом” дар Ӯзбекистон
Гутерриш ба Қирғизистону Тоҷикистон ҳалли мусолиматомези масъалаи марзиро таманно кард
Дарёи Панҷ ба даҳҳо ҳазор аҳолии вилояти Хатлон хатар дорад
Ҳалокати 7 сокини Муъминобод дар садамаи нақлиёт
Эмомалӣ Раҳмон бо мансабдори баландпояи Швейтсария мулоқот кард
Паҳлавони тоҷик Мустафо Аҳмадов барандаи медали нуқраи Чемпионати Осиё шуд
Сӯхтор дар бозори Ҷайҳун. Талафоти ҷонӣ нест, аммо бозор қариб пурра сӯхтааст
Ҳаракати нақлиёт дар кӯчаҳои марказии Душанбе якчанд рӯз маҳдуд мешавад
Кулли ахбор
Авторизуйтесь, пожалуйста