Имрӯз президенти Тоҷикистон Эмомалӣ Раҳмон дар Вазорати мудофиа ва Қувваҳои мусаллаҳ як қатор тағйироти кадрӣ анҷом дод. Аз ҷумла, чор муовини вазири мудофиа, фармондеҳи Қувваҳои ҳарбӣ - ҳавоӣ ва мудофиаи зиддиҳавоии Қувваҳои мусаллаҳ ва муовини фармондеҳи Қушунҳои сарҳадии КДАМ иваз шуданд. Дар ин бора Хадамоти матбуоти сарвари давлат хабар медиҳад.
Ба гуфтаи манбаъ, бо қарорҳои ҳукумати Тоҷикистон Ҷамшед Сафарзода - муовини вазири мудофиа оид ба тайёрии ҷангӣ, Одил Носирзода - муовини вазири мудофиа оид ба аслиҳа ва техникаи ҳарбӣ, Музаффар Раҳимзода - муовини вазири мудофиа оид ба корҳои сиёсӣ ва тарбиявӣ ва Бобоҷон Саидзода - муовини вазири мудофиа оид ба ақибгоҳ таъйин гардиданд.
Инчунин, Абдусаттор Шоҳиён сардори Донишкадаи ҳарбии Вазорати мудофиаи Тоҷикистон таъйин шуд.
Бо фармони Президенти Тоҷикистон, Хусрав Бобозода аз вазифаи фармондеҳи Қушунҳои хушкигарди Тоҷикистон озод шуда, ба ин вазифа Сафарализода Раҳмоналӣ таъйин гардид.
Ҳамин тавр, Шамсиддин Собирзода - фармондеҳи Қувваҳои ҳарбӣ - ҳавоӣ ва мудофиаи зиддиҳавоии Қувваҳои мусаллаҳ ва Дилшод Тоирзода - муовини фармондеҳи Қушунҳои сарҳадии Кумитаи давлатии амнияти миллии Тоҷикистон таъйин карда шудаанд.
Ҳамчунин, ба вазифаҳои муовини аввал ва муовини сардори Ситоди генералии Қувваҳои мусаллаҳ, сардорони як қатор раёсату хадамоти Вазорати мудофиа ва Ситоди генералии Қувваҳои мусаллаҳ, командирони баъзе қисмҳои ҳарбӣ, комиссарони ҳарбии ВМКБ, вилоятҳои Суғду Хатлон ва намояндагони Вазорати мудофиаи Тоҷикистон дар назди созмонҳои байналмилалӣ ва дар назди сафоратҳои Тоҷикистон дар якчанд кишвари хориҷӣ кадрҳои нав таъйин гардиданд.
Имрӯз кадрҳои навтаъйинро президенти Тоҷикистон Эмомалӣ Раҳмон ба ҳузур пазируфт ва онҳоро ба хизмати содиқонаю софдилона ба Ватан ва мардуми шарифи Тоҷикистон даъват кард.
Эмомалӣ Раҳмон таъкид кардааст, ки хидматчиёни ҳарбӣ ва ба хусус ҳайатҳои роҳбарию фармондеҳии Қувваҳои мусаллаҳ низ бояд ба омӯзиши амиқи ду забони хориҷӣ баробари забони модарӣ ва аз худ кардани техникаю таҷҳизот ва технологияи муосири ҳарбию иттилоотӣ диққати ҷиддӣ зоҳир намоянд.
“Ворисони шашмақом” муаррифи санъати мусиқии Шашмақом ва мақомсароёни тоҷик
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Кулли ахбор
Авторизуйтесь, пожалуйста