Эмомалӣ Раҳмон, раиси ҷумҳури Тоҷикистон ва раиси ҳукумати кишвар имрӯз, 7-уми январи соли 2025, бо судури чанд фармон ва қарор тағйироти кадрӣ намуд.

Ҳамин тавр, бо фармони Эмомалӣ Раҳмон иҷрокунандаи вазифаи раиси як шаҳр ва раиси се ноҳия аз вазифа озод ва ба ҷойи онҳо нафарони дигар таъин шуданд.

Шарифӣ Фирӯза Бурихонзода аз вазифаи иҷрокунандаи вазифаи раиси шаҳри Нораки вилояти Хатлон озод ва ба ҷойи ӯ Мирзозода Иброҳим Холмуродро иҷрокунандаи вазифаи раиси шаҳри Норак таъин кард.

Иброҳим Мирзозода то ин лаҳза роҳбари кумитаи иҷроияи ҲХДТ дар шаҳри Душанбе буд.

Иброҳим Мирзозода ва Фирӯза Шарифӣ

Шоҳиён Зарифхуҷа Фақер аз вазифаи раиси ноҳияи Панҷи вилояти Хатлон озод ва ба ҷойи ӯ Иброҳимиён Акмал Комилзода иҷрокунандаи вазифаи раиси ноҳияи Панҷ таъин карда шуд.

Зарифхуҷа Шоҳиён ва Акмал Иброҳимиён

Мардзода Одинашо Миршаб аз вазифаи раиси ноҳияи Ванҷи Вилояти Мухтори Кӯҳистони Бадахшон озод ва ба ҷойи ӯ Давлатзода Наҷмиддин Сайфиддин иҷрокунандаи вазифаи раиси ноҳияи Ванҷ таъин гардид.

Наҷмиддин Давлатзода то ин лаҳза  ба ҳайси муовини раиси Кумитаи рушди маҳали назди Президенти Ҷумҳурии Тоҷикистон фаъолият дошт ва бо амри раиси ҷумҳур аз ин маснад озод гардид.

Одинашо Мардзода ва Наҷмиддин Давлатзода

Ҷобирзода Додарҷон Пулод аз вазифаи раиси ноҳияи Нуробод озод ва ба ҷойи ӯ Солеҳзода Фатҳуддин Ҳусен иҷрокунандаи вазифаи раиси ноҳияи Нуробод таъин карда шуд.

Додарҷон Ҷобирзода ва Фатҳуддин Солеҳзода

Ҳамчунин, Эмомалӣ Раҳмон ба ҳайси раиси ҳукумати кишвар низ чанд тағйироти кадрӣ анҷом дод.

Муминзод Камолиддин Рамазон аз вазифаи раиси Кумитаи рушди сайёҳии назди Ҳукумати Ҷумҳурии Тоҷикистон ва ба ҷойи ӯ Ҷумахонзода Ҷамшед Ҷурахон таъин карда шуд.

Камолиддин Муминзод ва Ҷамшед Ҷумахонзода

Давлатзода Усмон Гул аз вазифаи раиси Кумитаи хоҷагии манзилию коммуналии назди Ҳукумати Ҷумҳурии Тоҷикистон озод ва ба ҷойи ӯ Табарзода Ҷамшед Авзал таъин гардид.

Ҷамшед Табарзода то ин лаҳза дар курсии муовини якум раиси шаҳри Душанбе фаъолият дошт.

Усмон Давлатзода ва Ҷамшед Табарзода

Бобозода Раҳим Бозор аз вазифаи муовини якуми вазири нақлиёт ва Зеваршоев Зеваршо Тайғуншоевич аз вазифаи муовини вазири кишоварзии Тоҷикистон бинобар ба нафақа баромадан озод гардиданд.

Назирмадзода Бахтиёр аз вазифаи муовини якум ва Раҳимзода Баҳодур Карим аз вазифаи муовини директори Агентии содироти назди Ҳукумати Ҷумҳурии Тоҷикистон озод карда шуданд.

Ба ҷойи онҳо Зуҳурзода Хуршед Ҳасан муовини якум ва Ҷамолзода Абдуғаффор Абдуҳамид муовини директори Агентии содироти назди Ҳукумати Ҷумҳурии Тоҷикистон таъин гардиданд.

Қаландарзода Ҳабибулло Қаландар аз вазифаи муовини раиси Кумитаи бехатарии озуқавории назди Ҳукуматии Ҷумҳурии Тоҷикистон озод гардид.

Муминзода Мустафо Одина муовини раиси Кумитаи бехатарии озуқавории назди Ҳукуматии Ҷумҳурии Тоҷикистон таъин карда шуд.

Муродзода Аҳмадхон Амрохон директори Институти таърих, бостоншиносӣ ва мардумшиносии ба номи А.Дониши Академияи миллии илмҳои Тоҷикистон таъин карда шуд. Ӯ дар ин вазифа Насрулло Каримзодаро иваз кард, ки чанде пештар аз вазифа озод шуда буд.

Маҳбатшозода Арабгул Абдулназар директори Муассисаи таълимии давлатии “Мактаб-интернати ҷумҳуриявӣ дар ноҳияи Рӯшони Вилояти Мухтори Кӯҳистони Бадахшон” таъин карда шуд.

Ятимзода Муҳаммади Аҳмад аз вазифаи роҳбари Маъмурияти минтақаи озоди иқтисодии “Данғара” озод ва ба ҷойи ӯ Раҳмонзода Амрулло Абдулло таъин карда шуд.

Шарофзода Фарҳод Разоқ директори Муассисаи давлатии “Институти илмию тадқиқотии рушди устувор ва иқтисоди сабз”-и Муассисаи давлатии “Донишгоҳи байналмилалии сайёҳӣ ва соҳибкории Тоҷикистон” таъин гардид.

Аз дафтари матбуоти раиси ҷумҳур

Саидзода Саидмаҳмуд Сайдаҳмад ректори Муассисаи давлатии “Донишкадаи байналмилалии Левакант”-и Муассисаи давлатии Донишгоҳи байналмилалии сайёҳӣ ва соҳибкории Тоҷикистон” таъин карда шуд.

Сафозода Абдумаҷид Карим ректори Муассисаи давлатии “Донишкадаи байналмилалии Данғара”-и Муассисаи давлатии Донишгоҳи байналмилалии сайёҳӣ ва соҳибкории Тоҷикистон” таъин гардид.

Иброҳимзода Илҳомуддин Раҷабалӣ директори Муассисаи давлатии “Институти илмию таҳқиқотии сайёҳӣ ва соҳибкорӣ”-и Муассисаи давлатии Донишгоҳи байналмилалии сайёҳӣ ва соҳибкории Тоҷикистон” таъин карда шуд.

Ширинзода Наҷмуддин Асомадин директори Муассисаи давлатии “Маркази ҷумҳуриявии такмили ихтисоси кормандони соҳаҳои сайёҳӣ ва хизматрасонӣ”-и Муассисаи давлатии Донишгоҳи байналмилалии сайёҳӣ ва соҳибкории Тоҷикистон” таъин гардид.

Давлатқадамов Бахтовар Саодатқадамович аз вазифаи директори Муассисаи таълимии давлатии “Мактаб- интернати ҷумхуриявӣ дар ноҳияи Рӯшони Вилояти Мухтори Кӯҳистони Бадахшон” озод карда шуд.

Бояд гуфт, ки ба истиснои ду тағйироти кадрӣ, боқӣ ҳамаи он бо сабаби ба кори дигар гузаштан анҷом шудааст.

Ҳафтаи гузашта низ Эмомалӣ Раҳмон дар сатҳи ниҳодҳои давлатӣ ва маҳаллӣ тағйироти кадрӣ ба амал овард ва он нахустин тағйироти кадрии президент дар соли 2025 буд.

Дар Telegram, Facebook ва Instagram бо мо бимонед.