Дар асоси қарори раиси шаҳри Душанбе ба муносибати иди Рӯзи Ғалаба ба ҳар яке аз иштирокчиён ва маъюбони Ҷанги Бузурги Ватании солҳои 1941-1945 ба маблағи 10 ҳазор сомонӣ ҷудо карда мешавад. Дар ин бора дар Телеграм-канали шаҳрдории Душанбе хабар дода мешавад.
Қобили зикр аст, ки айни замон дар Душанбе ҳамагӣ 3 нафар иштирокчии Ҷанги Бузурги Ватанӣ боқӣ мондаанд.
Дар ҳамин ҳол, тавре ки раиси Шӯрои собиқадорони ҷангу меҳнати назди ҳукумати вилояти Суғд Шавкат Алиев хабар дод, дар ин вилоят ба ҳар кадоме аз иштирокчии ҷанг ҳудуди 7 ҳазор сомонӣ дода мешавад. Ғайр аз ин, коргарони ақибгоҳ ҳар кадоме 4 ҳазор сомонӣ мегиранд.
Ба сурати умум то 30 апрел дар Тоҷикистон 24 иштирокчии Ҷанги Бузурги Ватанӣ боқӣ монда буданд. Рӯзи 20 апрел собиқадори ҷанг Саид Раҷабов аз олам даргузашт, ки рӯзи 20 май 98-сола мешуд.
Бино ба маълумоти Шӯрои собиқадорони ҷангу меҳнати ҷумҳурӣ, соли гузашта собиқадорон 43 нафар буданд, лекин ба иттилои ВАО, теъдоди онҳо 37 нафар зикр мешуд.
Соли 2005 теъдоди собиқадорони ҶБВ 9 ҳазору 900 нафар, соли 2020 - 168 нафар, соли 2021 - 98 нафар ва соли 2022 - 59 нафарро ташкил медод.
“Дар зарфи 19 сол 9 ҳазору 875 собиқадори ҷанг вафот карданд”, - хабар дода будан қаблан дар Шӯро.
Ёдрас мекунем, ки имсол дар Тоҷикистон ба муносибати ҷашни Рӯзи Ғалаба 9 май гузашти ҳарбӣ дар назар нест.
Дар ин бора Фаридун Маҳмадалиев, сухангӯи Вазорати дифоъ хабар дод. Ӯ сабаби баргузор нашудани ин чорабиниро шарҳ надод. Ҳамчунин баргузории раҳпаймоии “Ҳанг (полк)-и ҷовидонӣ” низ ҳоло маълум нест.
“Санаи баргузории раҳпаймоии “Ҳанги ҷовидонӣ” имсол ҳоло маълум нест. То ҳол дар ин бора ба мо супорише нашудааст, агар давоми ҳафта баргузор шудани раҳпаймоӣ муайян шавад, иттилоъ хоҳем дод”, - изҳор доштанд дар шаҳрдории пойтахт.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста