Вазири энергетика ва захираҳои оби Тоҷикистон Далер Ҷумъа дар ҷаласаи 4-уми вазирони энергетикаи кишварҳои аъзои СҲШ дар Остона изҳор намуд, ки НБО “Роғун”дар оянда натанҳо амнияти энергетикии Тоҷикистонро таъмин мекунад, балки дар афзоиши ҳаҷми содирот ба кишварҳои ҳамсоя низ саҳм хоҳад гузошт.
“Қобили зикр аст, ки 70% ҳаҷми истеҳсолшуда (тақрибан 10 млрд.кВт. соат) барои пӯшонидани талаботи афзоянда ба кишварҳои минтақа содир карда мешавад, – иброз дошт Далер Ҷумъа зимни суханронӣ.
Тавре ки хадамоти матбуоти Вазорати энергетика ва захираҳои оби ҷумҳурӣ хабар медиҳад, дар нишаст вазирон Стратегияи рушди ҳамкории энергетикии давлатҳои аъзои Созмони ҳамкории Шанхай (СҲШ) барои давраи то соли 2030-ро баррасӣ ва ба тасвиб расонданд.
Санади мазкур самтҳои асосии ҳамкории давлатҳои аъзои СҲШ дар соҳаи энергетика то соли 2030, аз ҷумла, дурнамои рушди иқтидори транзитии захираҳои энергетикӣ ва имконияти диверсификатсияи хатсайрҳои содиротиро муайян менамояд.
Дар ин санад ҳамчунин ташаккули системаи нави энергетикӣ бо ташкили тавозуни афзалиятҳои рушди соҳа, навсозии манбаъҳои анъанавии энергия, такмили системавии соҳа, рушди технологияҳои инноватсионӣ ва илм дар соҳаи истифодаи манбаъҳои барқароршавандаи энергия (МБО), рушди энергетикаи водород, ҷустуҷӯи ҳалли нав дар соҳаи сарфаи энергия ва баланд бардоштани самаранокии энергия пешбинӣ шудааст.
“Дар Стратегияи тасдиқшуда, мо дар бораи зарурати пешбурди равиши мутавозин, рушди ҳам энергетикаи анъанавӣ ва ҳам барқароршаванда тибқи шароити миллии кишварҳои СҲШ ба мувофиқа расидем”, – гуфт пас аз қабули Стратегия Саткалиев Алмасадам, вазири энергетикаи Қазоқистон.
Гуфта мешавад, вазирон оид ба вазъи кунунӣ ва дурнамои рушди рӯзномаи глобалӣ ва минтақавии энергетикӣ мубодилаи афкор намуда, рушди соҳаи энергетикаро, аз ҷумла имкониятҳои ҷалби сармоягузорӣ ва маблағгузорӣ барои татбиқи лоиҳаҳо ва барномаҳои ин соҳаро баррасӣ намуданд.
Қобили зикр аст, ки имрӯз СҲШ тақрибан сеяки маҷмуи маҳсулоти дохилии ҷаҳон, 60% қаламрави Авруосиё , 42% аҳолии сайёра ва зиёда аз 15% тиҷорати ҷаҳониро дар бар мегирад.
«Операция скутер»: какие правила есть для владельцев скутеров в Таджикистане?
В Таджикистане будут изготавливать активно-тяговые протезы. Их можно будет получить, в то числе, бесплатно
Салом алейкум, Таджикистан! Анонсы событий, день в истории, прогноз погоды на 6 октября 2024 года
Моя соседка бьет ребенка. Что я могу сделать?
Традиционная китайская свадьба: как она на самом деле проходит?
Правила жизни Эмомали Рахмона
Премьер-министр Таджикистана заявил о нарушении прав и свобод таджикистанцев в России
Адама Кадырова включили в Книгу рекордов России
Как сделать литературный таджикский язык популярным?
В Узбекистане принят закон «О креативной экономике». Как он поможет креативному бизнесу?
Все новости
Авторизуйтесь, пожалуйста