Душанбе. 22-уми июл. ОИ «Азия-Плюс» - Дар шаҳри Пекин перомуни дар ахири моҳи август ва аввалҳои моҳи сентябр баргузор намудани Рӯзҳои фарҳанги Ҷумҳурии Мардумии Чин дар Тоҷикистон тавофуқ ҳосил шуд.

Аз Вазорати фарҳанги ҶТ ба ОИ «Азия-Плюс» хабар доданд, ки миёни   намояндагони вазоратҳои фарҳанги Тоҷикистон ва Чин оид ба ин масъала гуфтушунид шудааст. Намояндагони вазорати фарҳанги Тоҷикистон дар чаҳорчӯбаи баргузории шабҳои фарҳанги кишварҳои узви Созмони Ҳамкории Шанхай муддати ду рӯз (18-19-уми июл) дар шаҳри Пекин қарор доштанд.

«Тоҷикистонро дар ин чорабинии фарҳангӣ сарояндаи сурудҳои опера, муовини вазири фарҳанги Тоҷикистон Миралӣ Достиев ва ансамбли рақсии «Зебо намояндагӣ карданд», - афзуд манбаъ.