Душанбе. 4-уми сентябр. ОИ «Азия-Плюс» - Имрӯз дар бинои Ҷамъияти байнулмилалии иттифоқҳои нависандагони шаҳри Маскав шаби эҷодии шоираи маъруфу шинохтаи тоҷик Гулрухсор Сафиева доир мегардад. Чорабинии мазкур дар доираи таҷлили ҷашни 1150-умин солгарди Одамушшуаро Абӯабдулло Рӯдакӣ ва ҷашни навбатии Истиқлолияти давлатии Тоҷикистон баргузор мешавад.

Аз сафорати Тоҷикистон дар Русия ба ОИ «Азия-Плюс» хабар доданд, ки шоира Гулрухсор сокинони Маскаву меҳмонон ва ҳамватанони худро бо навгониҳову тозакориҳо дар осори худ шинос хоҳад кард.

Шаби эҷодии шоира аз ҷониби намояндагии дипломатии Тоҷикистон дар Русия ва Ҷамъияти байнулмилалии иттифоқҳои нависандагони шаҳри Маскав созмон дода шудааст.