Душанбе. 4-уми сентябр. ОИ «Азия-Плюс» - Кумитаи тадорукоти Ҷоизаи байнулмилалии «Иттиҳоди бозёфтҳо-2008» «рӯйхати кӯтоҳи» довталабони то синни 35-соларо интишор намуд. Ба он осори эҷодиёти 19 шоир аз 10 кишвар - Арманистон, Озарбойҷон, Белорус, Гурҷистон, Қазоқистон, Қирғизистон, Молдова, Русия, Тоҷикистон ва Украина дохил шудаанд.

Дар маҷмӯъ, барои иштирок дар озмуни имсола беш аз 100 шоирон аз кишварҳои зикргардида номнавис шуда буданд. Дар озмун ҳам шоирони русзабон ва ҳам шоирони миллӣ иштирок доштанд. Қабл аз пешниҳод ба ҳайати ҳакамон шеърҳое, ки бо забони миллӣ навишта шуда буданд, ба забони русӣ тарҷума карда шуданд.

Ба «рӯйхати кӯтоҳи» ҷоиза шоираи тоҷик Дилором, ҳамчунин шаш нафар шоири рус, ду нафарӣ шоирон аз Белорус, Украина ва Гурҷистон ва як нафарӣ шоирон аз Арманистон, Қирғизистон, Озарбойҷон, Молдова ва Қазоқистон шомил шудаанд.

Қобили зикр аст, ки ба «рӯйхати дарози» ҷоиза ҳамчунин се шоирон аз Тоҷикистон - Адиба Азизӣ, Шаҳнози Беназир ва ЖДилором номнавис шуда буданд.