Душанбе. 26-уми феврал. ОИ «Азия-Плюс» - Имрӯз дар маҷмааи давлатии «Кохи Ваҳдат» ба муносибати ҷашни 1310-умин солгарди Имоми Аъзам таҳти унвони «Моҳияти таҳаммулпазирии таълимоти Имоми Аъзам ва вазъи дин дар кишвар» конфронси ҷумҳуриявӣ доир мегардад. Сарвари давлат Эмомалӣ Раҳмон бо маърӯза ба кори конфронс ҳусни оғоз хоҳад бахшид.

Тавре аз хадамоти матбуоти сарвари давлат ба ОИ «Азия-Плюс» хабар доданд, конфронс аз ҷониби Дастгоҳи иҷроияи президенти Тоҷикистон созмон дода шуда, дар кори он кормандони вазорату идораҳо, олимон ва намояндагони зиёиёни эҷодкори ҷумҳурӣ ширкат меварзанд.