Душанбе. 5-уми август. ОИ «Азия-Плюс» - Таҳти сарпарастии Фонди байнидавлатии ҳамкории гуманитарӣ дар осорхона-қӯрғони Иля Репин дар Белоруссия барои рассомони навраси кишварҳои узви ИДМ машғулиятҳои намунавӣ баргузор мегарданд.

            Бино ба иттилои котиби матбуотии фонди мазкур Александр Калугин, дар машғулиятҳои намунавӣ 20 нафар толибилмони мактаб ва коллеҷҳои рассомӣ аз 10 кишвари узви ИДМ – Озарбойҷон, Арманистон, Белорус, Қирғизистон, Қазоқистон, Молдова, Русия, Тоҷикистон, Ӯзбакистон ва Украина иштирок доранд. «Машғулиятҳо аз ҷониби рассомони маъруфи Русия ва Белорус гузаронида мешаванд», - гуфт ӯ.

            Дар ҳамин ҳол, имрӯз ба муносибати таҷлили ҷашни 165-умин солгарди Иля Репин ба осорхона-қӯрғони «Здравнево» (Белорус) нусхаҳои асарҳои рассоми машҳур – «Шаби маҳтобӣ» (Лунная ноч) ва «Белорус» тақдим карда мешаванд.