Имрӯз дар Русия ҷашни зодрӯзи Пушкин ва Рӯзи забони русӣ таҷлил мегардад. Дар ин санаи соли 1799 дар Маскав асосгузори забони адабии рус Александр Сергеевич Пушкин ба дунё омадааст.

Дар Русия рӯзи пушкинӣ ҳамасола ҷашн гирифта мешавад. Соли 2011 президенти Русия дар бораи ҳамасола дар санаи 6-уми июн ҳамчунин ҷашн гирифтани Рӯзи забони русӣ фармон ба имзо расонид.

Дар чаҳорчӯби барномаи дастгирӣ ва рушди чандзабонӣ ва гуногуншаклии фарҳангӣ Рӯзи забони русӣ ҳамчунин дар Созмони Милали Муттаҳид таҷлил мегардад.

Имрӯз дар Тоҷикистон низ ҷашни зодрӯзи шоири бузурги рус ва Рӯзи забони русӣ таҷлил карда мешавад. Ба ин муносибат сафоратхонаи Русия дар Тоҷикистон, намояндагии мақомоти ҳамкории Русия дар ҷумҳурӣ ва Вазоратҳои фарҳанги Тоҷикистону Русия дар театри давлатии академӣ-драмавии ба номи Маяковский бо иштироки ҳунарпешаи Филармонияи давлатии Маскав, Ҳунарпешаи халқии Русия Рафаэл Клайнер таҳти унвони «Россия-Пушкину» консерти ҷашнӣ созмон медиҳанд.