Бо ташаббуси Ҳизби наҳзати исломии Тоҷикистон дар қароргоҳи ҳизб маҳфили эҷодии Шоири халқии Тоҷикистон, дорандаи Ҷоизаи давлатии Тоҷикистон ва Иттиҳоди Шӯравӣ Мӯъмин Қаноат баргузор шуд.

Тавре аз қароргоҳи ҲНИТ хабар доданд, дар маҳфили илмӣ – адабӣ таҳти унвони «Адабиёт ва андеша» шахсиятҳои муъруфи илму адаб мисли Гулрухсор Сафиева, устод Ҳаёт Неъмат, Рустами Ваҳҳоб, Иброҳими Усмон, Аҳмадшоҳи Комил, роҳбарияти ҳизб бо шумули устод Муҳиддин Кабирӣ, рӯзноманигорону таҳлилгарон, донишҷӯён ва ҳаводорони илму адаб ширкат варзиданд. Аз корпусҳои дипломатӣ, Абдулғафур Орзу - сафири Ҷумҳурии Исломии Афғонистон дар Тоҷикистон ва намояндагони Ройзании фарҳангии Ҷумҳурии исломии Ирон ҳузур доштанд.

«Ҳизб минбаъд низ ба ин монанд маҳфилҳоро бо ҳузури шоирону нависандагони саршиноси тоҷик барпо хоҳад кард», - гуфтанд дар қароргоҳи ҲНИТ.