19-уми июл таҳти раёсати нахуствазири Тоҷикистон Оқил Оқилов ҷаласаи Кумитаи ташкилӣ оид ба омодагӣ ба ҷашнвораи 3000-солагии Ҳисор доир гардид.

Тавре дафтари матбуоти сарвазир хабар медиҳад, бахшида ба ҷашни Ҳисор сохтмон ва бозсозии як қатор иншоот, аз ҷумла сохтмони варзишгоҳ бо 20 ҳазор ҷойи нишаст, китобхонаҳо, осорхона, чойхонаҳои миллӣ ва иншоотҳои аҳамияти таълимӣ, тандурустӣ ва фарҳангидошта пешбинӣ шудааст.

Нахуствазир ба аъзоёни Кумитаи ташкилӣ супориш дод, ки нақшаи чорабиниҳоро бо назардошти пешниҳодоти асоснок бознигарӣ кунанд ва онро ба баррасии ҳукумати кишвар ироа намоянд. Таҷлили 3000-солагии Ҳисор дар соли 2015 тарҳрезӣ шудааст.