Чанде қабл нахуствазири ҷумҳурӣ Қоҳир Расулзода ҷаласаи навбатии Кумитаи тадорукоти таҷлили ҷашни 3000-солагии Ҳисорро баргузор намуд.

Тавре сармушовири хадамоти матбуоти президенти ҶТ Субҳиддин Муҳиддинов хабар дод, нахуствазир ба вазорату идораҳои дахлдори кишвар ва ҳукумати ноҳияи Ҳисор оид ба саривақт мусоидат намудан ба корҳои сохтмонӣ, таҳияи лоиҳаи таҷдид ва азнавсозии роҳи марказӣ ва роҳҳои маҳаллии ноҳия, ҷудо намудани қитъаҳои замин барои бунёди иншооти пешбинишуда, беҳдошти шабакаҳои обу корезӣ, фароҳам овардани шароити зарурии таъминоти обӣ нӯшокӣ ва нерӯи барқ  дастур супоришҳои мушаххас дод.

«Дар ҷаласа ҳамчунин таъкид гардид, ки дар фурсати кӯтоҳ барои дар феҳристи ёдгориҳои таърихии ЮНЕСКО ворид кардани мавзеъҳои таърихии Ҳисор ва дар доираи чорабиниҳои ин созмони муътабари ҷаҳонӣ  таҷлил кардани ҷашни 3000-солагии он тадбирҳои зарурӣ андешида шаванд», - зикр кард манбаъ.