Ҳунарманди Голливуд, дорандаи ҷоизаи маъруфтарини «Оскар» дар соҳаи кино Леонардо Ди Каприо метавонад дар нақши шоири сӯфӣ Ҷалолиддини Румӣ дар филм ҳунарнамоӣ кунад.

Нашрияи The Guardian, дар ин робита менависад, аз рӯи ҳолнома (биография)-и шоир наворбардории филм ба нақша гирифта шуда, ба андешаи муаллифон, он бояд ба харобсозии андешаҳои қолабӣ дар бораи мусалмонон, ки имрӯз дар кинематография ва матбуоти муосир роиҷ аст, кумак кунад.

Ба ақидаи сенариянависи филм Дэвид Франзони, тақдири Ҷалолиддини Румӣ дар аксар маврид ба тақдири Шекспир шабоҳат дорад. «Ин шоири мусалмон аз қобилияи фавқулода бархӯрдор буд», - қайд кардааст ӯ.

Гуфта мешавад, масъулони филмбардорӣ аллакай ба аёдати оромгоҳи шоир ба Истамбул рафта, бо муаррихон ва ҳолноманависони Ҷалолиддини Румӣ суҳбатҳо кардаанд. «Филм шавқангез ва шояд мушкил шавад. Аммо ин ҳам хуб аст, зеро эҷодиёти шоир дар ИМА хеле маъруфу писандида мебошад», - гуфтааст сенариянавис.

Қобили зикр аст, ки оғози наворбардории филм соли 2017 дар назар буда, ба сифати номзади асосӣ дар нақши шоир актёри маъруф Леонардо Ди Каприо  баррасӣ мешавад.