Душанбе. 6-уми апрел. ОИ «Азия-Плюс» - Дар Гузориш оид ба в азъи ҳуқуқи инсон дар То ҷ икистон дар соли 2008, ки аз ҷ ониби Дафтари масъалаҳои демократия, ҳуқуқи инсон ва меҳнати Департменти давлатии ИМА     интишор шудааст, гуфта мешавад, б о вуҷуди ислоҳот дар қонуни замин, қонуни умда дар бораи моликият таъодул нисбат ба соҳибони амволи хусусиро ба ҳам задааст. Системи сабти амвол куҳна шуда ва ин иҷоза медиҳад, ки мақомоти давлатӣ бо истифода аз имконоти бешумор иддаъо кунанд, ки соҳибони амвол қонунро помол кардаанд. Мақомоти давлатӣ бо такия ба набуди шаффофияти амал, манофеъи сокинонеро, ки муддатҳои тӯлонӣ муқими шаҳр буданд, зери по гузошта ва ба иҷрои тарҳҳое пардохтанд, ки сохтмони иқоматгоҳҳо ва бунгоҳҳои тиҷоратии ҷадидеро дар марокизи шаҳрҳо дар мадди назар доранд.

Ҳукуматҳои шаҳрӣ тарҳҳои ободонии худро бо мардум дар миён нагузоштанд ва хонаводаҳое, ки манозили худро холӣ карданд, иттилоъи кофӣ дар бораи ин тарҳҳо надоштанд. Мақомот зоҳиран аз пеши худ тасмим гирифта буданд, ки давлат бояд бархе заминҳоро бидуни баҳсу баррасии умумӣ ба тасарруфи худ дароварад ва ҳеч тавзеҳоте дар бораи сабабҳои ин кор ба мардум надиҳад.

Ҳукумат сипас сокинонро огоҳ кард, ки хонаҳои худро холӣ кунанд ва ба онҳо ҷуброни кофӣ напардохт. Сокинонеро, ки итоъат намекарданд, мақомот ба додгоҳ кашиданд ва додгоҳ онҳоро дастур дод, ки хонаҳои худро холӣ кунанд. Аммо соҳибони манозиле, ки ба ҳукми додгоҳ гардан наниҳоданд, на танҳо муваффақ ба тағйири он нашуданд, балки ба сазои бадтаре расиданд – бархе аз онҳо ба ҷинояткорӣ муттаҳам шуданд.

Моҳи июн давлат ба хотири бунёди роҳ ба ҷониби кохи нави раёсати ҷумҳурӣ ягона канисаи яҳудиён дар Тоҷикистонро вайрон кард. Дар моҳи апрел бо вуҷуди нуқсонҳои зиёде дар ҷараёни расидагӣ ба ин қазия, додгоҳи маҳаллӣ дастури холӣ кардани канисаи яҳудиёнро таъйид намуд.