Дар ноҳияи Ховалинг ба ифтихори ҷашни 65-умин солгарди шоири маъруфи тоҷик Ҳабибулло Файзулло чорабиниҳо доир гардиданд. Риштаи ҳаёти ӯ ба таври фоҷеавӣ дар сини 35-солагӣ дар давраи рушди бесобиқаи эҷодиёташ канда шуд. Бо вуҷуди ин, ӯ аз худ осори ғанӣ боқӣ гузошт. Моҳи июли соли 2011 дар зодгоҳи шоир дӯстону ҳамкорон баҳри ҷашнгирии солгарди ӯ гирдиҳам омаданд. Дар чаҳорчӯби чорабинӣ маросими гузоштани хишти аввал ба сохтмони бинои китобхонаи ба номи Ҳабибулло Файзулло доир гардид. Бунёди китобхонаи мазкурро писари шоир – роҳбари имрӯзаи ширкати «Вавилон» Беҳзод Файзуллоев ба ӯҳда гирифтааст.