Ҳомиёни ҳуқуқи созмони Human Rights Watch (HRW) бар ин назаранд, ки вазъи риояи ҳуқуқи инсон дар Тоҷикистон дар соли 2014 бад шудааст.

Дар гузориши солонаи рӯзи 29-уми январ дар сомонаи расмии Human Rights Watch интишоршуда дар ин робита зикр мегардад, ки бад шудани вазъи ҳуқуқи башар дар ҷумҳурӣ дар партави идомаи фишор ба озодии баён аз ҷониби ҳукуматдорон, аз озодӣ маҳрум кардани пешвоёни мухолифон, фишор болои хабаргузории мустақил ва ҳабси олими ҷавон аз рӯи айбномахои сохташуда сурат гирифтааст.

Дар гузориш ҳабси адвокат Шуҳрат Қудратов таъкид мегардад, ки дар парвандаи Зайд Саидов аз манфиатҳои соҳибкор ва қаблан аз манфиатҳои шахсиятҳои маъруф ва хабаргузории мустақили «Азия-Плюс» ҳимоят мекард.

«Қарори суд нисбати хабаргузории «Азия-Плюс»  як зарбае ба озодии баён дар кишвар аст. Барои мақолаи муҳарир Олга Тутубалина «Ғайризиёиёна дар бораи зиёин» суд ҳафтавор ва муҳаррири онро ба нашри раддия ва пардохти ҷубронпулӣ ба даъвогарон дар ҳаҷми 30 ҳазор сомонӣ (тақрибан 6100 ҳазор $) барои паст задани «шаъну эътибор ва мартаби корӣ» уҳдадор кард», - омадааст дар гузориш.

Маълумоти муфассал дар бораи гузориши мазкурро аз торнамои радиои Озодӣ дарёфт карда метавонед.