Дар дармонгоҳи бемории сили вилояти Суғд 11-уми апрел сокини ноҳияи Шаҳристон вафот кард. Шояд ҳодисаи маъмулӣ бошад, аммо хешовандони марҳум ба карантин гирифта шуданд.
Маълумот дар бораи марги сокини 61-солаи ноҳияи Шаҳристон Шодмон Раҷабовро муовини сардори Раёсати тандурустии вилояти Суғд Маъруф Ҳоҷибоев ба “Азия-Плюс” тасдиқ кард.
Дар ҳамин ҳол, ӯ қайд кард, ки Раҷабов ба инсулин вобастагӣ дошт.
“Ӯ рӯзи 8-уми апрел бистарӣ шуд. Раҷабов баъди ба сауна (ҳаммом) рафтан худро бад ҳис карда, ба беморхонаи ноҳияи Шаҳристон муроҷиат мекунад. Аммо дар он ҷо ба ӯ гуфтанд, ки вазъи саломатияш хуб аст. Ӯ ба хона омада, боз худро бад ҳис кард. Баъд аз муроҷиаташ ба беморхонаи вилоятӣ, зимни муоина дар ӯ бемории сил ошкор шуд”, - иброз дошт Ҳоҷибоев.
Вай афзуд, ки Раҷабовро дар дармонгоҳи бемориҳои сили Деҳмой бистарӣ карданд ва ӯ дар он ҷо фавтид.
“Аъзои оилаи ӯ дар беморхонаи сироятии ноҳияи Шаҳристон ба карантин гирифта шуда, зери муоинаи табибон қарор доранд”, - қайд кард муовини сардори Раёсати тандурустии вилояти Суғд.
Шодмон Раҷабови фавтида дар канори шоҳроҳи Душанбе-Хуҷанд ба фурӯши “танӯркабоб”-и маъруф машғул буд.
Маъруф Ҳоҷибоев илова кард, ки ба ҳолати соати 8-и 14-уми апрел 1206 нафар дар минтақаҳои карантинии вилояти Суғд қарор доранд. 1942 нафар аз карантин рухсатӣ шуданд. Ба гуфтаи ӯ, ҳолатҳои сирояти коронавирус ба қайд гирифта нашудааст.
Ёдрас мекунем, ки 12 апрел як корманди беморхонаи вилоятии клиникӣ дар Бохтар вафот кард. Дар ин беморхона тоҷикистониёни аз хориҷи кишвар баргаштаро ба карантин гирифтаанд. Дар маълумоти расмӣ сабаби марги ин зан ҳам бемории сил унвон шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Хадамоти алоқа: ширкатҳои мобилӣ дар се моҳ беш аз 1 млрд сомонӣ даромад ба даст овардаанд
Иброҳим Раисӣ ва ҳамроҳонаш ба ҳалокат расидаанд. Ноиби раиси ҷумҳури Эрон ин хабарро расман тасдиқ кард
Чархболи суқуткардаи Иброҳим Раисӣ пайдо шуд, аммо тақдири ӯ ва ҳамроҳонаш норӯшан аст
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Кулли ахбор
Авторизуйтесь, пожалуйста