Аз 11 апрел Қазоқистон маҳдудиятҳои убури сарҳади заминиро бо Русия, Ӯзбекистон ва Қирғизистон бекор мекунад, хабар медиҳад хадамоти матбуоти ҳукумати ин кишвар.

“Бо дарназардошти ба эътидол омадани вазъи эпидемиологӣ, тасмим гирифта шуд, ки аз 11 апрели соли ҷорӣ барои шаҳрвандони Қазоқистон, шахсони бешаҳрвандӣ ва хориҷиён маҳдудиятҳои гузаштани сарҳади Қазоқистон дар гузаргоҳҳои заминӣ бо Русия, Ӯзбекистон ва Қирғизистон бекор карда шаванд”, - омадааст дар хабар.

Ҳамчунин маҳдудиятҳои гузаштани сарҳади давлатии Қазоқистон тариқи роҳи ҳавоӣ аз байн бардошта мешаванд.

Дар ҳамин ҳол, талаботи пешниҳоди ҳатмии маълумотнома (справка) бо натиҷаи манфии ташхиси COVID-19 бо методи ПСР ё ҳуҷҷат/шиноснома дар бораи пурра гузаштан аз давраи ваксингирӣ, ваксинзании дубора зидди COVID-19 барои шаҳрвандони Қазоқистон ва хориҷиён боқӣ мемонад, ки Ҳуҷҷати иҷозаи зист (ВНЖ) дар қаламрави Қазоқистон доранд ва барои хориҷиён бо эътирофи мутақобилаи шинсономаҳои ваксинзанӣ.

Қобили зикр аст, ки Русия аз 30 март маҳдудиятҳои ҷоришуда дар давраи пандемияро барои гузаштани сарҳади заминӣ бо Қазоқистон бекор кард. Ӯзбекистон низ 16 март ба ҳамин монанд қарор қабул кард. Дирӯз президенти Қирғизистон Садир Жапаров аз ҳамтои қазоқи худ Қосим-Жомарт Токаев дархост намуд, ки сарҳади заминиро барои қирғизистониҳо боз кунанд.

Дар Telegram, Facebook, Instagram, OK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.