Имрӯз, 14-уми август, Муҳаммад Зоҳири Ағбар, сафири Афғонистон дар Тоҷикистон дар нишасте дар Душанбе аз ҳукуматдорони пешини кишвараш шадидан интиқод карда гуфт, “паёмади кори иддаеро миллати мазлум дода истодааст”.
Дар робита ба дусолагии фаъолияти гурӯҳи Толибон дар Афғонистон, сафорати Афғонистон дар Тоҷикистон нишасти “Ду соли султаи Толибон ва фоҷеаи таърихии мардуми Афғонистон”-ро роҳандозӣ карда, гурӯҳи Толибонро ба поймолкунии ҳукуқи башар маҳкум намуд.
Дар ин нишаст намояндаи СММ, сафари Фаронса дар Тоҷикистон, дигар чеҳраҳои шинохта ва муҳоҷирони афғонистонӣ ширкат доштанд.
Муҳаммад Зоҳири Ағбар зимни суханрониаш дар ин нишаст аз касе ном набурд, аммо аз бархе ҳукуматдорони пешин ва чеҳраҳои матраҳи Афғонистон шадидан интиқод кард.

Ӯ гуфт, “паёмади кори ҳукуматдорон ва чеҳраҳоеро, ки замоне даъвои ҳубби ватан доштанд, ҳоло на худашон медиҳанд, на фарзандонашон, балки миллати мазлуми ман дода истодааст”.
“Қаҳрамонҳои милли Афғонистон Аҳмадшоҳи Масъуд ва Бурҳониддин Раббониро кӣ пуштибон буд? НАТО? СММ? Амрико? Не! Онҳо бидуни пуштибон ҳамвора зидди ин гурӯҳи террористӣ ҷангиданд. Аммо сарони ҳукумати пешини Афғонистон ва дигар чеҳраҳои таъсиргузор, ки иддаои то охирин лаҳза бар зидди Толибони ғаддор истоданро доштанд, дар лаҳазоти аввал миллатро танҳо гузаштанд ва рафтанд”, - гуфт Зоҳири Ағбар.
Сафири Афғонистон дар Тоҷикистон дар идомаи сӯҳбаташ аз “ғаддории Толибон” ҳам интиқод карда, гуфт, “ҳоло мардуми Афғонистон набояд рӯҳафтода шаванд ва мо ҳамоно бар зидди Толибон истодагарӣ мекунем”.
“Толибонро дигарбора шикаст дода, аз сари қудрати Афғонистон дур мекунем. Ду соли ғаддорӣ нишон дод, ки Толибон дигар нашудаанд ва ҳамоно ҳуқуқи занону мардони Афғонистонро поймол мекунанд", - афзуд сафир.
Гуфтан ба маврид аст, ки гурӯҳи Толибон дар давраи ҳокимияташон кори занон ва таҳсили духтаронро манъ кардаанд. Ин монеагузории онҳо вокунишҳои ҷомеаи ҷаҳониро ба миён овардааст, вале ҳамоно онҳо аз раъйи худ намегарданд.
Ёдовар мешавем, ки ду соли қабл, 15-уми августи соли 2021, гурӯҳи Толибон ҳукумати Афғонистонро ғасб карда, ба сари қудрати ин кишвар нишастанд.
Аммо бо гузашти ду сол ҳукумати ин гурӯҳ то ба ҳол аз сӯи ҳеҷ кишвар ба расмият шинохта нашудааст.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - Афғонистон бихонед.
Қабр ё қаср? Чаро дар оромгоҳҳои Хуҷанд гӯрҳо фурӯ мераванд?
Боздошти як марди 53-сола бо гумони бо корд захмӣ кардани духтари 8-сола дар Панҷакент
Як соҳибкор ба 10 оилаи эҳтиёҷманди Конибодом хона тақдим кардааст
Милитсияи Душанбе гуфт, фарзандони волидайнеро, ки аз уҳдаи тарбияи онҳо намебароянд, ба муассисаҳои махсус месупорад
Таркиби этникии Осиёи Марказӣ: Кадом халқҳо ва дар кадом кишвар зиндагӣ мекунанд?
“Укроин се сол вақт дошт”. Интиқоди Зеленский, вокуниши Трамп ва натиҷаву вокунишҳо ба музокироти намояндагони Русия ва Амрико
Тоҷикистону Эрон мехоҳанд ҳаҷми табодули молро байни ду кишвар ба $500 млн расонанд
Дар Думаи давлатӣ пешниҳод карданд, ки муҳоҷирон ба муоинаи тиббии такрорӣ уҳдадор шаванд
“Аудиокитоб” бо Субҳон Ҷалилов. Маснавии маънавӣ. Ҳикояи “Амири Тирмиз ва далқаки нодон”
Соли гузашта блогерони Тоҷикистон ҳудуди $2,5 млн даромад ба даст овардаанд
Кулли ахбор
Авторизуйтесь, пожалуйста