Ҳунарпешаи мардумии ИҶШС Ҷӯрабек Муродов, ки 24-уми декабр 70-умин солгарди зодрӯзашро ҷашн мегирад, имрӯз дар меҳмонаи радиои «Азия-Плюс» қарор дошт.

Дар барномаи пахши мустақими радио овозхони шинохта доир ба дастоварду вижагиҳои эҷодиёти ғании худ ҳикоят карда, ҳатто чанд пораҳоеро аз сурудҳои писандидаи мардум зинда сароид. Шунавандагони радиои «Азия-Плюс» имкон доштанд, ки мустақиман ба Ҷ.Муродов саволҳо диҳанд.

Пас аз итмоми барнома Ҳунарпешаи мардумии  ИҶШС  дар лавҳаи шабакаи радио навиштаҷоти хотиравӣ боқӣ гузошт. Ба Ҷӯрабек Муродов аз номи шабакаи радио туҳфаҳои хотиравӣ тақдим карда шуданд.

Дар остонаи таҷлили ҷашни 70-умин солгарди зодрӯз идораи ҳафтавори «Азия-Плюс» бо Ҳунарпешаи мардумии  ИҶШС  Ҷӯрабек Муродов мусоҳибаи махсусе анҷом хоҳад дод, ки он дар саҳфаҳои шумораи санаи 26-уми декабри ҳафтавор ба табъ мерасад.

Инак, як қисмати кӯтоҳи барномаи радиои «Азия-Плюс» бо ҳузури Ҷӯрабек Муродовро манзури шумо мегардонем.