Ассотсиатсияи байнулмилалии федератсияи футбол (ФИФА) рейтинги нави дастаҳои миллии футболи ҷаҳонро интишор кард.

Бино ба иттилои сомонаи расмии Федератсияи футбли Тоҷикистон, дар ин рейтинг мақоми дастаи Тоҷикистон ҳашт зина поин рафта, дар ҷойи 114-ум қарор дорад. Моҳи гузашта дастаи Тоҷикистон дар зинаи 106-ум қарор дошт.

Аз замони навшавии рейтинг дастаи мунтахаби футболи Тоҷикистон ягон вохӯрӣ нагузаронидааст. Даста айни замон дорои 301 балл аст. Вазъро бозии рафиқона бо дастаи Ҳиндустон, ки рӯзи 14-уми август дар шаҳри Хуҷанд доир мегардад, метавонад тағйир бидиҳад.

Миёни 46 дастаи қораи Осиё Тоҷикистон зинаи 15-ум ва дар байни дастаҳои кишварҳои собиқ шӯравӣ мақоми 9-умро ишғол карда, аз дастаҳои Озарбойҷон, Латвия, Молдова, Туркманистон, Қирғизистон ва Қазоқистон пешсаф аст.