Шоми дирӯз cе вохӯрии даври аввали чорякфиналии Ҷоми футболи Тоҷикистон баргузор шуд.

Бино ба иттилои сомонаи расмии Федератсияи футболи Тоҷикистон (ФФТ), дастаҳои «Равшан»-и Кӯлоб ва «Истиқлол»-и Душанбе дар меҳмонӣ бо ҳисоби якхелаи 2 бар 1 бар дастаҳои мизбон – мутаносибан «Парвоз»-и ноҳияи Бобоҷон Ғафуров ва «Истаравшан»-и шаҳри Истаравшан ғолиб омаданд. Дастаи «Регар-ТадАЗ»-и Турсунзода дар майдони худ бо ҳисоби 2 бар 0 бар дастаи «Энергетик»-и Душанбе дастболо шуд.

Қобили зикр аст, ки вохӯрии ҷуфти дигари даври чаҳоряякфиналӣ рӯзи 10-уми сентябр доир гардида, дастаи «Эсхата»-и Хуҷанд дар майдони худ аз дастаи «Вахш»-и Қӯрғонтеппа бо ҳисоби 1 бар 2 шикаст хӯрд. Бозиҳои ҷавобии даври чорякфиналии Ҷоми футболи Тоҷикистон рӯзҳои 17 ва 18-уми сентябр баргузор мешаванд.