Дар остонаи оғози мусобиқаи Чемпионати Осиё-2014 футболбозони дастаи мунтахаби наврасони футболи Тоҷикистон дар шаҳри Ҳамадони Эрон тамрини нахустинашонро баргузор намуд.

Бино ба иттилои хадамоти матбуоти Федератсияи футболи Тоҷикистон, рӯзи 27-уми июл ҳайати дастаи мунтахаби наврасони футболи Тоҷикистон ба Эрон сафар карда, дар он ҷо дар мусобиқаи нахустини Чемпионати Осиё миёни футболбозони синни то 14-сола (4-13 август) ширкат меварзад.

Ба иттилои манбаъ, рӯзи дигар (28-уми июл) футболбозони навраси тоҷик дар варзишгоҳи «Шаҳид Муфотеҳ»-и шаҳри Ҳамдон машқи нахустини худро доир намудаанд, ки он якуним соат идома ёфта, аз машқҳои гуногун иборат будааст.