Дар даври нуҳуми марҳилаи интихобии Ҷемпионати ҷаҳон оид ба футбол дар соли 2016 мунтахаби Тоҷикистон дар меҳмонӣ аз дастаи Австралия - ғолиби Ҷоми Осиё бо ҳисоби бузурги 0 бар 7 шикаст хӯрд.

Ин вохӯрӣ рӯзи 24 март дар варзишгоҳи «Аделаида Овал» дар шаҳри Аделаида, маркази маъмурӣ ва шаҳри бузургтарини иёлати Австралияи Ҷанубӣ баргузор шуд.

Ёдрас мекунем, ки вохӯрии аввали даври гурӯҳӣ миёни ин дастаҳо, ки санаи 8 сентябр дар варзишгоҳи марказии шаҳри Душанбе доир гардида буд, низ бо ҳисоби 3 бар 0 ба фоидаи австралиягиҳо анҷом ёфта буд.

Ҳамин тариқ, баъди натиҷагирӣ аз даври нуҳум дар гурӯҳи «В» дар зинаи аввали ҷадвал Австралия бо 18 имтиёз, дар зинаи дуюм Урдун бо 16 имтиёз, дар мақоми 3-юм Қирғизистон бо 11 имтиёз, дар зинаи 4-ум Тоҷикистон бо 5 имтиёз ва дар зинаи охир Бангладеш бо 1 имтиёз қарор гирифтанд.

Акнун дар даври охирини мусобиқи гурӯҳӣ мунтахаби Тоҷикистон санаи 29 март бо дастаи Қирғизистон ва Австралия бо Урдун бозӣ мекунанд.