Сокини шаҳри Душанбе, донишҷӯи соли аввали Донишкадаи давлатии тарбияи ҷисмонии Тоҷикистон Олим Қурбонов баъди иштирок  дар мусобиқот рӯзи 11 август аз ҳаққи ширкат дар даври баъдии мусобиқот ва идомаи мубориза барои медалҳои олимпӣ маҳрум гашт.

Бино ба иттилои Кумитаи милии олимии Тоҷикистон, Олим Қурбонов дар мусобиқаи шиноварӣ ба масофаи 50 метр бо тарзи озод миёни 85 иштирокчии ин рақобат мақоми 62-юмро ишғол кардааст.

Ҳамин тариқ, боз 4 варзишгари тоҷик дар мусобиқоти минбаъдаи Олимпидаи Рио-де-Жанейро иштирок мекунанд. Рӯзи 12 август - гуштигир Муҳаммадмурод Абдураҳмонов (дзюдо, +100 кг), рӯзҳои 12-13 - шиновар Анастасия Тюрина (50 метр, тарзи озод), 15-17 август - Кристина Пронженко (давидан ба масофаи 200 метр) ва 17-19 август - Дилшод Назаров (гурзандозӣ) ба рақобат мепардозанд.