Дар қароргоҳи Конфедератсияи футболи Осиё дар Куала-Лумпур санаи 18 сентябр маросими қуръакашии мусобиқаи интихобии Чемпионати Осиё-2019 оид ба футзал (футболи хурд) байни ҷавонони то 20-сола дар минтақаи Марказӣ доир гардид.

Бинои ба иттилои сомонаи расмии Федератсияи футболи Тоҷикистон, аз рӯи натиҷаҳои қуръакашӣ мунтахаби Тоҷикистон дар гурӯҳи “В” бо дастаҳои Ӯзбекистону Қирғизистон қарор гирифт. Ба гурӯҳи “А” дастаҳои Эрону Афғонистон ва Туркманистон шомил шуданд.

Мусобиқаи даври интихобии мазкур аз 1 то 4 декабр дар Тошканд баргузор мешавад. Мувофиқи регламент, аз минтақаи Марказӣ се даста ба даври ниҳоии Чемпионати Осиё роҳ меёбанд, ки инҳо ғолибони гурӯҳҳо буда, ҳамчунин дастаҳои дар гурӯҳҳо зинаи дуюмро ишғолнамуда дар вохӯрии байни ҳамдигар соҳиби роҳхати сеюмро муайян мекунанд.

Мусобиқаи даври интихобии Чемпионати Осиё-2019 оид ба футзал байни ҷавонони то 20-сола дар минтақаи Марказӣ

Гурӯҳи «А»: Эрон, Афғонистон, Туркманистон.

Гурӯҳи «В»: Ӯзбекистон, ТОҶИКИСТОН, Қирғизистон.

Тақвими бозиҳо:

Даври 1-ум

1 декабр (шанбе)

Қирғизистон – Ӯзбекистон

Туркманистон – Эрон

Даври 2-юм

2 декабр (якшанбе)

ТОҶИКИСТОН – Қирғизистон

Афғонистон – Туркманистон

Даври 3-юм

3 декабр (душанбе)

Ӯзбекистон – ТОҶИКИСТОН

Эрон – Афғонистон

Плей-офф

4 декабр (сешанбе)

ҷойи 2-юми гурӯҳи «А» – ҷойи 2-юми гурӯҳи «В».

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.