Шукронаи Қарчиева, бонуи ҷудокори тоҷик, дар қаҳрамонии ҷудои ҷаҳон - Asia-Oceania Senior Championships дар шаҳри Бишкеки Қирғизистон, ки имрӯз оғоз шуданд, барои ба даст овардани медали биринҷӣ мубориза мебарад. 

Шукрона Карчиева, ки дар рақобатҳо дар вазни -48 кг аз Тоҷикистон намояндагӣ мекунад, дар даври аввал бонуи ҷудокори чинӣ Ка Ки Вонгро шикаст доду дар даври дувум аз ҷудочии кишвари Тайбэйи Чин Лин Чен – Ҳао шикаст хӯрд.

Аммо Шукрона дар даври шонси муҷадда варзишгарбонуи мизобон,  Айсулу Мусоқуловаро мағлуб кард ва барои рақобатҳои ба даст овардани медали биринҷӣ роҳ пайдо кард.

Шукрона Карчиева барои медали биринҷо бо Гулнур Муратбаева вориди рақобат мешавад.

Ду варзишгарбонуи дигари тоҷик Аҳлия Мӯъминова ва Фазилат Гулбоева  ҳарду дар вазни -52 кг  дар даври аввали рақобатҳо, мутаноисбан аз ҳарифони худ Гулбодом Бобомуродоваи туркман ва Тинка Истони австралиягӣ шикаст хӯрданд.

Тоҷикистон дар қаҳрамонии ҷудои Осиё  дар рақобатҳо миёни мардон Шаҳбоз Саидаброров (-60кг), Сомон Маҳмадбеков (-73), Акмал Муродов ва Ҳақназар Назаров (-81) Комроншоҳ Устопирён ва Ҷаҳонгир Маҷидов (-90кг),  Темур Раҳимов ва Хуршед Маҷидов ҳарду дар вазни +100  намояндагӣ мекунанд.

Қаҳрамонии ҷудои Осиё имсол дар шаҳри Бишкеки Қирғизистон рӯзҳои 6-9 апрел баргузор мешавад.

Рақобатҳо миёни мардон дар вазнҳои -60 ва -66 ҳам имрӯз оғоз шуданд. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.