Дастикам 7 ҷудокори тоҷик дар оғози "фаслҳои ҷудои ҷаҳонӣ" дар мусобиқоти Ҷоизаи бузурги ҷудои Партугалия - «Grand Prix Portugal», ки рӯзҳои 27-29-уми январ дар шаҳри Алмадаи ин кишвар баргузор мегардад, ширкат хоҳанд кард. Дар ин бора Федератсияи ҷудои Тоҷикистон хабар медиҳад.
Гуфта мешавад, Темур Раҳимов ва Эмомалӣ Нуралӣ, ду ҷудокори ҳирфаӣ ва узви тими миллии ҷудои кишвар, ки дар корномаашон натиҷаҳои назаррас доранд, бо сабаби мушкил дар дарёфти раводид наметавонанд дар мусобиқаи мазкур иштирок кунанд.
Як манбаъ аз Федератсияи ҷудои кишвар гуфт, бо сабабҳои номаълум дарёфти визаи Шенген барои онҳо рад шудааст.
Ӯ гуфт, ҳарчанд Федератсия кӯшиш кард, вале натиҷае надод.
Ба дастаи миллии ҷудои кишвар 7 ҷудокор: Обид Ҷебов (-66 кг), Беҳрӯзи Хоҷазода (-73 кг), Шодмон Ризоев (-81 кг), Сомон Маҳмадбеков (-81 кг), Комроншоҳи Устопириён (-90 кг), Ҷаҳонгир Маҷидов (-90 кг) ва Мансур Раҳмон (+100 кг) шомиланд.
Тамура Тори, мураббии соҳибтахассуси ҷопонӣ дастаро ҳидоят хоҳад кард.
Бояд тазаккур дод, ки тими миллии ҷудои кишвар аз 9-ум то 16-уми январ дар тамрингоҳи омӯзишу парвариши ҷудоварзон дар шаҳри Миттерсилли Австрия бо роҳбарии Муҳаммадмурод Абдураҳмонов омодагӣ диданд.
Ҳамзамон, бо оғози фасли нави ҷудои ҷаҳонӣ ва ширкат дар мусобиқаҳои бонуфузи байналмилалӣ ҷудокорон барои касби саҳмияи Бозиҳои тобистонаи олимпии Порис - 2024 талош хоҳанд кард.
“Худам шоҳу табъам вазир?”. Мансабдороне, ки парвои интиқод надоранд
Эмомалӣ Раҳмон аз фориғболиву бемасъулиятии роҳбарони муассисаҳо, роҳбарони илмӣ ва докторантҳо гуфт
КОА беасос будани фошкориҳои “Диссернет”-ро собит накард. Интиқоди дубора ва шадиди Эмомалӣ Раҳмон аз асардуздии олимони тоҷик
Боз як ширкати Чин дар МОИ “Панҷ” неругоҳи барқи офтобӣ месозад
Таҳқиқи суқути чархболи Иброҳим Раисӣ. Мақомоти Эрон гузориши дуввуми худро нашр карданд
Чанд нафар ҷудокорони тоҷик ба Олимпиадаи Париж мераванд?
Дар семоҳаи аввали соли 2024 ҳудуди 22 ҳазор хориҷиён аз Русия хориҷ шуданд
Эъдоми қариб 1200 кас дар 16 кишвари ҷаҳон
Дар як кӯчаи Душанбе ҳаракати нақлиёт барои се моҳ маҳдуд мешавад
Баъди танқиди раиси Бохтар ду масъули маркази дилхушӣ 5 шабонарӯз ҳабс шуданд
Кулли ахбор
Авторизуйтесь, пожалуйста