Муштзанҳои тоҷик аз Ҷоми Осиё оид ба муштзанӣ, ки дар шаҳри Бангкоки Тайланд ҷараён дорад, бо се нишони биринҷӣ баргаштанд
Дар ин бора Кумитаи миллии олимпии Тоҷикистон хабар медиҳад.
Довуд Маҳкамов, Абдумалик Болтаев ва Шаҳбоз Ҳаитов, се узми тими миллии Тоҷикистон оид ба муштзанӣ аз Ҷоми Осиё оид ба муштзанӣ миёни ҷавонони то 22-сола, ки 18-уми январ дар шаҳри Банкоки Тайланд шуруъ шуд ва то 26-уми январ идома мекунад, бо касби нишони биринҷӣ баргаштанд.
Гуфта мешавад, ки Довуд Маҳкамов дар вазни -71кг дар чорякфинал намояндаи Ироқ Наим Ҳусейн Юсуфро мағлуб кард, вале дар нимфинал аз варзишгари Қазоқистон Сабиржан Аккаликов шикаст хурд.
Абдумалик Болтаев (-75кг) бошад, дар нимфинал аз варзишгари Ӯзбекистон Алохон Абдуллоев шикаст хурд. Ӯ дар чорякфинал варзишгари мизбон Ломфа Сонгбуранро мағлуб намуда буд.
Шаҳбоз Ҳаитов (-80кг) дар нимфинал муқобили намояндаи Чин Ҳалимулатӣ Раҳеманду ба ринг баромада, шикаст хӯрд. Шаҳбоз дар чорякфинал варзишгари Кувейт Мусаб Алҳулайлиро мағлуб кард.
Гуфтан ба маврид аст, ки Ҷоми Осиё оид ба муштзанӣ миёни ҷавонони то 22-сола бо иштироки 149 варзишгар (95 мард, 54 зан) аз 20 давлати қора ҷараён дорад. Аз Тоҷикистон дар ин мусобиқа 7 варзишгар – 6 мард ва 1 зан ширкат карданд.
Чархболи суқуткардаи Иброҳим Раисӣ пайдо шуд, аммо тақдири ӯ ва ҳамроҳонаш норӯшан аст
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Кулли ахбор
Авторизуйтесь, пожалуйста