Нурулло Алиев, размикори шинохтаи тоҷик муҳорибаи навбатии худро бо Матеуш Ребетскии лаҳистонӣ баргузор мекунад. Муҳориба 11-уми ноябри соли 2023 дар доираи мусобиқоти UFC 295 дар назар дошта шудааст.

Дар ин бораи расонаи Спорт-экспресс иттилоъ медиҳад.

Ба навиштаи ин расона Матеуш Ребетски 30-сола буда, 18 пирӯзӣ ва 1 бохт дорад. Ӯ дар мусобиқоти UFC ду муҳориба баргузор карда, дар ҳардуяш ғалаба кардааст.

Нурулло Алиев бошад, то ин лаҳла дар мусобиқоти UFC як муҳориба гузаронида ва дар он ғалаба кардааст. Ин дуввумин рақобати Нурулло Алиев дар UFC мебошад. Дар нахуст бозиаш ӯ рақиби бразилӣ Рафаэл Алвесро шикаст дода буд.  Дар ин қувваозмоӣ ӯ ғалабаи таърихӣ ба даст оварда, аввалин размикори тоҷик дар ташкилоти UFC шуд. Нурулло Алиев, ки ӯро мухлисонаш “Уқоби тоҷик” низ меноманд 22 сол дошта, то имрӯз дар ташкилоти Fight Nights Global меҷангид. Ӯ  то имрӯз ягон бохт надорад.

Дар Telegram, Facebook, Instagram, OK ва ВК бо мо бимонед.