Имшаб, 2-уми октябр, дар шаҳри Ар-Риёзи Шоҳигарии Арабистони Саудӣ бозии даври дуюми марҳилаи гурӯҳии Лигаи қаҳрамонҳои Осиёи-2023/24 дар гурӯҳи “Е” байни дастаҳои “Ан-Наср”-и Арабистони Саудӣ ва “Истиқлол”-и Тоҷикистон баргузор мешавад.

Бозӣ соати 23:00 ба вақти Душанбе дар варзишгоҳи “Ал-Аввал Парк”-и АрРиёз доир мегардад.

Дар рӯйхати эжҳтимолии бозигароне, ки ба ин бозӣ даъват шудаанд номи Криштиану Роналдо, ситораи футболи ҷаҳон ва узви тими Португалия низ зикр мешавад.

Акс аз сомонаи soccer365.ru

Хотиррасон мешавем, ки 19-уми сентябри бозии даври аввали марҳилаи гуруҳии Лигаи чемпионхои Осиёи-2023/24 байни дастаи футболи “ Истиқлол” –и шаҳри Душанбе ва “Ал-Дуҳайл”-и Қатар дар варзишгоҳи марказии шаҳри Душанбе баргузор гардида буд, ки бо натиҷаи мусовии 0:0 ба анҷом расид.

Айни ҳол, дар гуруҳи “Е” дастаи “Ан-Наср” бо касби 3 имтиёз садрнишин аст. Дастаҳои “Ад-Дувайл” ва “Истиқлол” бо 1 имтиёзӣ мақомҳои дуюму сеюмро ишғол кардаанд. Дастаи “Персеполс”-и Эрон бошад бидуни имтиёз дар мақоми охирин ҷой гирифтааст.

Дар Telegram, Facebook, Instagram, OK ва ВК бо мо бимонед.