Тими миллии футболи Тоҷикистон дастаи мунтахаби Покистонро дар доираи марҳилаи интихобии Ҷоми ҷаҳон оид ба футбол-2026 бо ҳисоби бузурги 6 – 1 мағлуб карда, соҳиби се хол ва муваққатан, то анҷоми бозии дигари гуруҳ, садрнишини гуруҳи “G” шуд.
Бозӣ имрӯз, 21-уми ноябр, дар варзишгоҳи “Ҷадда”-и Исломобод, пойтахти Покистон баргузор шуд.
Голҳои тими миллии Тоҷикистонро Амадонӣ Камолов дар дақиқаҳои 9 ва 65, Рустам Соиров дар дақиқаи 14, Парвизҷон Умарбоев дар дақиқаи 26, Эҳсони Панҷшанбе дар дақиқаи 45 ва Шаҳром Самиев дар дақиқаи 90+1 ба самар расониданд.
Ягона голи тими миллии Покистонро Рахис Набӣ дар дақиқаи 21 ба самар расонид.
Ба ин тартиб, тими миллии Тоҷикистон бо касби 4 хол садрнишини гуруҳи “G” шуд. Аммо дастаҳои Арабистони Саудӣ ва Урдун, ки низ ба ин гуруҳ шомиланд, бозии худро баргузор накардаанд.
Ин бозӣ шоми имрӯз дар Урдун баргузор мешавад.
Бояд гуфт, ки Тоҷикистон бозии нахустини худро дар марҳилаи интихобии Ҷоми ҷаҳонии футбол-2026 дар гуруҳи “G” дар Душанбе муқобили дастаи Урдун баргузор ва бо ҳисоби 1-1 мусовӣ кард.
Арабистони Саудӣ ва Покистон дар Ар-Риёз бозӣ карданд. Арабистони Саудӣ дар ин бозӣ бо ҳисоби калони 4-0 ғалаба кард.
Айни ҳол Тоҷикистон 4 хол, Арабистони Саудӣ 3 хол (як бозӣ кам баргузор кардааст), Урдун 1 хол (як бозӣ кам баргузор кардааст) доранд. Покистон ҳар ду бозии худро бохт ва бидуни хол дар гуруҳ мақоми охирро ишғол мекунад.
Бозии навбатии Тоҷикистон бо дастаи Арабистони Саудӣ дар меҳмонӣ 21-уми марти соли оянда баргузор мешавад.
Урбун бошад 26-уми марти соли 2024 тими Покистонро қабул мекунад.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста