Фурӯши чипта барои бозии дастаҳои футболи “Истиқлол”-и Тоҷикистон ва “Ан-Наср”-и Арабистони Саудӣ оғоз шуд: нархи он аз 100 сомонӣ то 3 ҳазор сомонӣ мебошад. Дар ин бора Федератсияи футболи Тоҷикистон хабар медиҳад.
Ба гуфтаи манбаъ, фурӯши чиптаҳо дар назди даромадгоҳи варзишгоҳи марказии шаҳри Душанбе сар аз имрӯз, 27-уми ноябр, ба роҳ монда шуд.
“Чиптаҳои ин бозӣ дар се категория пешкаш карда мешаванд. Нархи чипта барои категорияи якум минбари асосӣ (бахшҳои 1, 2, 3, 4) 300 сомониро ташкил медиҳад. Барои се минбари дигар (шимол, шарқ ва ҷануб) нархи ҳар чиптаи категорияи дуюм 100 сомонӣ муқаррар шудааст. Чиптаи VIP (барои меҳмонони хос) 3000 сомонӣ нархгузорӣ шудааст”, - менависад ФФТ.
Бояд гуфт, ки нархи чипта ба бозиҳои дигаре, ки то ин замон дастаи “Истиқлол” дар доираи Лигаи қаҳрамонҳои Осиё баргузор кардааст, 20 сомонӣ муқаррар шуда буд.
![](https://asiaplustj.info/sites/default/files/articles/331361/%D1%87%D0%B8%D0%BF%D1%82%D0%B0%201.jpg)
Талошҳои мо барои гирифтани назари масъулин дар мавриди нархи гарони чиптаи ин бозӣ бенатиҷа анҷомид ва ба тамосҳои мо дар бошгоҳи “Истиқлол” касе ҷавоб надод.
Аммо ба эҳтимоли зиёд нархи гарони чипта барои бозии дастаҳои “Истиқлол” ва “Ан-Наср” ба ташрифи ситораи футболи ҷаҳон Криштиану Роналду бастагӣ дорад. Ӯ сардори дастаи “Ан-Наср”-и Арабистони Саудӣ мебошад.
Ёдовар мешавем, ки вохӯрии даври шашуми марҳилаи гурӯҳии Лигаи қаҳрамонҳои Осиё-2023-2024 миёни дастаҳои “Истиқлол”-и Тоҷикистон ва “Ан-Наср”-и Арабистони Саудӣ рӯзи 5-уми декабр дар Душанбе баргузор мегардад. Оғози бозӣ соати 21:00 аст.
“Заволи пиряхҳо” – филми мустанад оид ба хатари обшавии пиряхҳои Тоҷикистон
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Дар Қирғизистон “Толибон”-ро махфиёна аз рӯйхати созмонҳои террористӣ хориҷ карданд
Кулли ахбор
Авторизуйтесь, пожалуйста