Рустами Эмомалӣ, президенти Федератсияи футболи Тоҷикистон, раиси шаҳри Душанбе ва раиси Маҷлиси миллии Маҷлиси Олии кишвар барои тамошои бозии тими миллии Тоҷикистон оид ба футбол бо мунтахаби Урдун, ки имрӯз, 2-юми феврали соли 2024, дар доираи марҳилаи чорякниҳоӣ баргузор мегардад, ба Қатар меравад. Дар ин бора телеграм-канали шаҳрдории пойтахт хабар медиҳад.
Бозии мазкур дар варзишгоҳи Аҳмад бин Алии Давҳа, соати 14:30 ба вақти маҳаллӣ (соати 16:30 ба вақти Душанбе) оғоз мешавад.
Барои мухлисӣ аз тими миллии Тоҷикистон дар ин рақобат субҳи имрӯз беш аз 60 нафар сокинони шаҳри Хуҷанд бо дастгирии роҳбарияти вилоят ва шаҳр ба Қатар парвоз кардаанд. Дар ин бора Маъмури Юсуфзод, сухангӯи раиси шаҳри Хуҷанд дар саҳифаи фейсбуки худ иттилоъ дод.
Ҳамчунин, ба навиштаи ӯ, “имрӯз бо дастгирии ФФТ наздики 1000 нафар мухлисон аз гӯшаву канори кишвар ба Қатар бо 3 тайёра парвоз мекунанд”.
Ёдовар мешавем, ки дар даври 1/8 ниҳоии Ҷоми Осиё мунтахаби Тоҷикистон бар тими Амороти Муттаҳидаи Араб (1:1 ва 5:3 аз рӯи пеналтӣ) ғолиб омад, тими Урдун бошад бар Ироқ (3:2) ғалаба кард.
Қобили зикр аст, ки тимҳои миллии Тоҷикистон ва Урдун дар мусобиқаи интихобии Ҷоми ҷаҳон-2026 дар як гурӯҳ бозӣ мекунанд. Дастаҳо 16-уми ноябр дар Душанбе бо ҳам вохӯрданд. Он вохӯрӣ мусовӣ — 1:1 анҷом ёфт.
Бояд гуфт, ки бозии дигари даври 1/4 ниҳоии Ҷоми Осиё вохӯрии Австралия ва Кореяи Ҷанубӣ рӯзи 2-юми феврал соати 20:30 оғоз мешавад.
Рӯзи 3-юми феврал дар ин марҳилаи мусобиқот Эрон - Ҷопон (16:30) ва Қатар - Ӯзбекистон (20:30) бозӣ мекунанд.
Арзиши эстакада дар Душанбе қариб ба 28,5 млн евро баробар аст
Рустами Эмомалӣ дар робита ба ҳалокати Саидиброҳим Раисӣ ба ҳамтои эронии худ барқияи таслият ирсол кард
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Эмомалӣ Раҳмон дар робита ба ҳалокати Саидиброҳим Раисӣ ва ҳайати ҳамроҳаш изҳори ҳамдардӣ кард
Тайи 10 сол Чин ба иқтисоди Тоҷикистон 3,8 млрд доллар сармоягузорӣ кард
Хисороти боришоти шадиди рӯзҳои ахир дар кишвар
Тотористон ронандагон ва муҳандисони тоҷикро ба кор ҷалб кардан мехоҳад
Хадамоти алоқа: ширкатҳои мобилӣ дар се моҳ беш аз 1 млрд сомонӣ даромад ба даст овардаанд
Иброҳим Раисӣ ва ҳамроҳонаш ба ҳалокат расидаанд. Ноиби раиси ҷумҳури Эрон ин хабарро расман тасдиқ кард
Чархболи суқуткардаи Иброҳим Раисӣ пайдо шуд, аммо тақдири ӯ ва ҳамроҳонаш норӯшан аст
Кулли ахбор
Авторизуйтесь, пожалуйста