Вохӯрии дастаи мунтахаби миллии футболи Тоҷикистон таҳти роҳбарии мутахассиси гурҷӣ Гела Шекиладзе дар бозии чоруми даври дуюми марҳилаи интихобии Ҷоми ҷаҳон-2026 дар гурӯҳи «G» бо мунтахаби Арабистони Саудӣ мусовӣ анҷом ёфт.
Тавре ки Федератсияи футболи Тоҷикистон хабар медиҳад, бозӣ рӯзи 26 март дар Варзишгоҳи марказии Душанбе доир гардида, мусовӣ - 1:1 ба поён расид. Голро аз тими Тоҷикистон Рустам Соиров ба ҳадаф расонид.
Гуфта мешавад, дар бозии дигари гурӯҳи «G» Урдун дар майдони худ дастаи Покистонро бо ҳисоби калони 7:0 мағлуб кард.
Ба ин тариқ, пас аз чор давр дар гурӯҳи «G» Арабистони Саудӣ бо 10 имтиёз дар садри ҷадвал қарор дорад. Зинаи 2-юмро бо 7 имтиёз дастаи Урдун ишғол мекунад. Мунтахаби Тоҷикистон бо 5 имтиёз дар зинаи 3-юм ҷойгир шудааст. Футболбозони Покистон пас аз 4 давр ҳоло ягон имтиёз ба даст наовардаанд.
Ҷадвали гурӯҳи «G»
![](https://asiaplustj.info/sites/default/files/articles/335196/%D0%A2%D0%B0%D0%B1%D0%BB%D0%B8%D2%9B%D0%B0.png)
Дар ду вохӯрии боқимондаи даври дуюми марҳилаи интихобии Ҷоми ҷаҳон-2026 мунтахаби миллии Тоҷикистон бо дастаҳои Урдун (6 июн дар меҳмонӣ) ва Покистон (11 июн дар Душанбе) бозӣ мекунад.
Бозиҳои боқимонда
Даври 5-ум
6 июн (панҷшанбе)
Урдун – ТОҶИКИСТОН
Покистон – Арабистони Саудӣ
Даври 6-ум
11 июн (сешанбе)
ТОҶИКИСТОН – Покистон
Арабистони Саудӣ – Урдун
Маълумоти муфассал дар бораи имкони ба даври сеюми марҳилаи интихобӣ роҳ ёфтани мунтахаби Тоҷикистон дар маводи мо - “Тоҷикистон метавонад ба даври дуюми марҳилаи интихобии Ҷоми ҷаҳон-2026 роҳхат гирад?” қобили дарёфт аст.
Дастаҳое, ки айни замон ба даври сеюми марҳилаи интихобии Ҷоми ҷаҳон-2026 роҳхат гирифтанд: Австралия, Ироқ, Ӯзбекистон ва Эрон. Дастаҳое, ки ба даври финалии Ҷоми Осиё-2027 роҳхат гирифтанд: Арабистони Саудӣ, Австралия, Ироқ, Ӯзбекистон, Эрон.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста