Мунтахаби миллии Тоҷикистон оид ба футзал ё худ футболи хурд таҳти раҳбарии Пайрав Воҳидов дар гурӯҳи “С”-и даври гурӯҳии Ҷоми футзали Осиё дар Бангкок (Таиланд) зинаи аввалро ишғол намуд.
Тавре ки Федератсияи футболи ҷумҳурӣ хабар медиҳад, бозии сеюми охирин дар гурӯҳ байни футзалистони тоҷик бо қаҳрамони амалкунандаи Осиё - мунтахаби Ҷопон мусовӣ - 1:1 анҷом ёфт. Вохӯрии дигари гурӯҳ байни дастаҳои Қирғизистон ва Кореяи Ҷанубӣ низ мусовӣ - 5:5 анҷом ёфта, футболбозони қирғиз зинаи дуюмро ишғол намуданд.
![](https://asiaplustj.info/sites/default/files/articles/336050/%D1%84%D1%83%D1%82%D0%B7%201.jpg)
Дар ду бозии аввал дар гурӯҳи “С” мунтахаби Тоҷикистон тими Кореяи Ҷанубиро бо ҳисоби 2:0 шикаст дода, бо дастаи Қирғизистон бозиро мусовӣ - 2:2 анҷом дода буд. Мунтахаби Тоҷикистон дар таърихи худ бори 12-ум дар даври финалии Ҷоми футзали Осиё ширкат варзида, маротибаи сеюм аст, ки ба даври чаҳорякниҳоӣ роҳхат мегирад.
Дар даври чаҳорякниҳоии Ҷоми футболи Осиё-2024 футзалистони тоҷик бо тими Афғонистон бозӣ мекунанд. Ин бозӣ пагоҳ, рӯзи чоршанбе 24 апрел доир гардида, соати 12:00 ба вақти Душанбе оғоз мешавад.
Аз рӯи натиҷаҳои Ҷоми Осиё 5 дастаи беҳтарин (ба ҷуз Ӯзбекистон - мизбони чемпионат) ба Чемпионати ҷаҳон-2024 оид ба футзал роҳхат мегирад. Чемпионати ҷаҳон оид ба футзал аз 14 сентябр то 6 октябр дар Ӯзбекистон баргузор мешавад.
Дар ҷуфтҳои дигари даври чаҳорякниҳоии Ҷоми футзали Осиё-2024 рӯзи 24 апрел Таиланд бо Ироқ, Ӯзбекистон бо Ветнам ва Эрон бо Қирғизистон бозӣ мекунанд. Бозиҳои нимфиналӣ рӯзи 26 апрел ва вохӯрии финалӣ санаи 28 апрел баргузор мешавад.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста