Дар шаҳри Душанбе рӯзҳои 2-6 октябри соли равон Чемпионати ҷаҳон оид ба ҷудо байни наврасон баргузор мешавад.

Тоҷикистонро дар ин мусобиқаи муҳими сатҳи байнулмилалӣ миёни ҷудокорони наврас 17 нафар гӯштингирон намояндагӣ мекунанд.

Ба ҳайати дастаи мунтахаб варзишгарони зерин шомил шуданд: Лоиқ Қудбуддинов (60 кг), Саъдӣ Маҳмадов (60 кг), Хайрулло Ғанизода (60 кг), Самиршо Муҳаббатов (66 кг), Умар Шеров (66 кг), Бобоҷон Муқтадирӣ (66 кг), Муҳиддин Асадуллоев (73 кг), Илҳомиддин Ҷабборов (73 кг), Аминҷон Абдуҷалилзода (81 кг), Суннатулло Мӯсоев (81 кг), Муҳаммад Юсуфзода (81 кг), Мӯсохон Ғаниев (90 кг), Мусаммир Каримзода (90 кг), Парвиз Абдураҳмонов (100 кг), Муҳсин Маллаев (100 кг), Аҳмад Табаров (+100 кг) ва Фараҳманд Устопириён (+100 кг).

То ҳол барои иштирок дар чемпионат аз 54 кишвар дархост расидааст. Дар рӯзи охирини рақобатҳо мусобиқаи омехтаи даставӣ баргузор мешавад.

Ёдрас мекунем, ки ин дуюмин чорабинии варзишии сатҳи ҷаҳонӣ аст, ки имсол дар Душанбе доир мегардад. Аввалин чорабинии чунин миқёс Dushanbe Grand Slam 2024 буд, ки моҳи май баргузор шуд.

Толори барои рақобатҳои Чемпионат дар Душанбе
Сурат аз Федератсияи ҷудои ҶТ

Чемпионати ҷаҳон оид ба ҷудо миёни наврасон мусобиқаи байнулмилалии сатҳи баландтарини ҷудо барои варзишгарони синнашон то 21 сола ва поинтар аз он маҳсуб меёбад.

Чемпионатҳо дар 1 сол 1 бор (ба истинои солҳои баргузории Бозиҳои олимпӣ) аз ҷониби Федератсияи байнулмилалии ҷудо гузаронида шуда, дар он ҷудокорон дар категорияҳои барояшон мувофиқ рақобат мекунанд.

Аз соли 2019 инҷониб дар чемпионатҳои ҷаҳон миёни наврасон имтиёзҳои рейтингӣ дода мешаванд, ки ба имтиёзҳои Гран-прии IJF барои рейтинги ҷаҳонии калонсолон, инчунин имтиёзҳо барои наврасон дар рейтинги WRL баробаранд. Ин холҳо инчунин барои интихоб ба Бозиҳои олимпӣ ба ҳисоб гирифта мешаванд.

Тоҷикистон дар World Championships Juniors 2023 дар шаҳри Одивелаши Португалия иштирок кард. Дар ин мусобиқа 582 варзишгар 75 кишварро намояндагӣ карданд. Дастаи мунтахаби Тоҷикистон аз 9 варзишгар иборат буд.

Абубакр Шеров (73 кг) пас аз ғалаба бар варзишгари фаронсавӣ Элиот Прево ва баъдан варзишгари ҷопонӣ Кеито Кихара сазовори медали биринҷӣ гардид.

Чемпионати ҷаҳон-2023 байни ҷавонон дар доираи Силсилаи ҷаҳонии IJF ва марҳилаи интихобӣ барои Бозиҳои олимпии тобистонаи 2024 баргузор гардид.

Дар Telegram, Facebook ва Instagram бо мо бимонед.