Ҳайати мунтахаби ҷудои Тоҷикистон барои ширкат дар мусобиқаи “Dushanbe Grand Slam-2025” ё “Тоскулоҳи бузург-2025” муайян шуданд. Онҳо тариқи қуваозмоии интихобӣ рӯзи 7-уми апрел интихоб шуданд. Дар ин бора Федератсияи ҷудои Тоҷикистон хабар додааст.

Ба навиштаи манбаъ, ҷудокорони тоҷик дар 7 вазн байни ҳам барои ба даст овардани роҳхат ба ин мусобиқот вориди рақобат гардидаанд.

Дар натиҷа, 36 ҷудокори тоҷик, аз ҷумла 28 мард ва 8 зан ба мусобиқаи “Dushanbe Grand Slam-2025” роҳхат гирифтаанд:

Дар вазни то 60 кг:

- Ҳақдод Гулов, Меҳрзод Суфиев, Муҳаммадсолеҳ Қувватов, Лоиқ Қутбиддинов.

Дар вазни то 66 кг:

- Эмомалии Нуралӣ, Обид Ҷебов, Ёсин Бобокалонов, Шаҳбоз Саидабуроров.

Дар вазни то 73 кг:

- Абубакр Шеров, Беҳрӯз Хоҷазода, Муҳиддин Ассадулоев, Маҳмадшариф Наҷмиддинов.

Акс аз Федератсияи ҷудои Тоҷикистон

Дар вазни  то 81 кг:

- Сомон Маҳмадбеков, Муҳаммад Юсуфзода, Ғанӣ Ғанизода, Сайфиддин Сайфидинзода.

Дар вазни то 90 кг:

- Муҳаммадҷон Абдуҷалилзода, Умедҷон Раҷабов, Шодмон Ризоев, Музамммир Каримзод.

Дар вазни то 100 кг:

- Ҷаҳонгир Маҷидов, Парвиз Абдураҳмонов, Муҳсин Малаев, Кароматулло Ҳакимов;

Дар вазни аз 100 кг боло:

- Темур Раҳимов, Мансур Раҳмон, Некрӯзшоҳ Некбахтзода, Раҳматулло Мирзоев.

Акс аз Федератсияи ҷудои Тоҷикистон

Занон:

Аҳлия Муминова, Райҳона Розиқзода дар вазни то 48 кг;

Мадина Қурбонзода, Зуҳал Ҷумаева, Насиба Карликова дар вазни то 52 кг;

Александра Кан, Раҳмия Ҳанҷарбекова дар вазни то 57 кг;

Виктория Киселёва дар вазни то 67 кг.

Бояд гуфт, ки мусобиқаи “Dushanbe Grand Slam 2025” рӯзҳои 2-4 май дар Қасри теннис ва маҷмааи варзиши обии шаҳри Душанбе баргузор мешавад.

Дар мусобиқаи "Тоскулоҳи бузург" дар Душанбе дар соли 2024 ҳайати Тоҷикистон аз 37 ҷудокор - 28 мард ва 9 зан иборат буд. Дар мусобиқа ҳамагӣ 390 ҷудокор аз 65 кишвар ширкат варзиданд.

Дар ҳисоби умумидаставӣ мунтахаби ҷудокорони Тоҷикистон бо касби 7 медал - 1 тилло, 3 - нуқра ва 3 - биринҷӣ зинаи 4-умро касб кард.

Дар Telegram, Facebook ва Instagram бо мо бимонед.