Душанбе. 1-уми июли с.2008. ОИ «Азия-Плюс» - Оилаи охирини гурезагони тоҷик аз Афғонистон ба ватан баргаштанд.

      Аз Вазорати корҳои хориҷии ҶТ ба ОИ «Азия-Плюс» хабар доданд, ки дар арафаи таҷлили 11-умин солгарди ҷашни Рӯзи ваҳдати миллӣ оилаи Ҳалимовҳо, ки   тайи 16 сол дар ғарибӣ дар шаҳри Мазори Шарифи Ҷумҳурии Исломии Афғонистон умр ба сар мебурданд, ба ноҳияи Қубодиён баргаштаанд.

     «Дар номае, ки унвонии вазири корҳои хориҷии ҶТ аз номи оила ирсол шудааст,   ҷиҳати ҳамдастиву мусоидати кормандони сафорат изҳори миннатдорӣ карда шудааст», - изҳор дошт манбаъ.