Душанбе. 31-уми июл. ОИ «Азия-Плюс» - Аз соли гузашта ширкати саҳомии холдингии кушодаи (ШСХК) «Барқи Тоҷик» омодасозии мутахассисони варзидаро дар макотиби олии кишвар ва хориҷа таҳти сарпарастӣ гирифтааст.

Сухангӯи ширкат Нозир Ёдгорӣ мегӯяд, ки бо дастгирии молиявии ширкат дар Донишгоҳи техникии Тоҷикистон ба номи М.Осимӣ 331 нафар, дар Донишкадаи энергетикии Тоҷикистон 103 нафар ва дар коллеҷи политехники Қӯрғонтеппа 34 нафар донишҷӯ таҳсил мекунанд.

Н.Ёдгорӣ ҳамчунин афзуд, ки ШСХК «Барқи тоҷик» таҳсили 12 нафар намояндагони Тоҷикистон дар макотиби олии соҳаи энергетикаи Украинаву Русияро низ аз ҷиҳати молиявӣ таъмин месозад.