Душанбе. 12-уми август. ОИ «Азия-Плюс» - Дар интихоботи миёндаврӣ ба палатаи поёнии парлумони Тоҷикистон дар ҳавзаи интихоботии рақами 26--и Қӯрғонтеппа, ки дар таърихи 10-уми августи соли равон доир гашт, номзади Ҳизби Халқии Демократии Тоҷикистон (ҲХДТ) пирӯз шуд.

Аз Комиссияи марказии интихобот ва райъпурсии Тоҷикистон ба ОИ «Азия-Плюс» хабар доданд, ки дар он 6,4 ҳазор ё худ 96 фоизи интихобкунандагон дар овоздиҳӣ иштирок карданд.

«Дар интихобот ду нафар номзад барои курсии вакилӣ бо ҳам рақобат карданд, - изҳор дошт манбаъ. - Номзади ҲХДТ, раиси Раёсати адлияи вилояти Хатлон Саодат Амиршоева ба дастёбии беш аз 95 фоизи райъи интихобкунандагон ноил гардид».

            Ба иттилои сарчашма, номзади Ҳизби Сотсиалистии Тоҷикистон, соҳибкор Раъно Назирова 4,7 фоизи овози интихобкунандагонро соҳиб шудааст.