Душанбе. 19-уми август. ОИ «Азия-Плюс»-«Новости-Грузия» - Имрӯз хабаргузории «Новости-Грузия» иттилоъ дод, ки Вазорати умри хориҷии Гурҷистон ба Кумитаи иҷроияи Иттиҳоди Давлатҳои Мустақил (ИДМ) санади расмии қарори парлумони кишвар аз 14-уми августи соли равон дар бораи хориҷ шудани Гурҷистон аз ҳайати иттиҳодро ирсол кардааст.

«Ҳамин тариқ, аз 18-уми август Гурҷистон ҳамаи ӯҳдадориҳои дар доираи ИДМ ба дӯш гирифтаашро бекор мекунад. Дар ҳамин ҳол, мутобиқи Конвенсияи соли 1969-уми Вена «Дар бораи ҳуқуқи шартномавӣ», ҷониби Гурҷистон ӯҳдадор аст, ки талаботи ҳамаи созишномаҳои байнулмилалии дар чаҳорчӯбаи ИДМ баимзорасида ва қарорҳои мақомоти дахлдори ИДМ-ро, ки Гурҷистон иҷрои ҳатмии онҳоро эътироф кардааст, риоя намояд», - гутф мешавад дар изҳороти Вазорати умури хориҷии Гурҷистон.